WatchGujarat. યોગ ગુરુ સ્વામી રામદેવે (Ramdev) દાવો કર્યો છે કે પતંજલિ યોગપીઠે (Patanjali Yogpeeth) હિન્દુસ્તાન યુનિલિવર (HUL) સિવાય અન્ય તમામ કંપનીઓને પાછળ છોડી દીધી છે. આ સાથે, પતંજલિએ ઘણા નવા ઉત્પાદનો લોંચ કર્યા.

યોગગુરુ સ્વામી રામદેવ (Ramdev) ની પતંજલિ યોગપીઠ (Patanjali Yogpeeth) વિદેશી કંપનીઓના વર્ચસ્વને તોડીને 25 હજાર કરોડની કંપની બની ગઈ છે. રામદેવનું કહેવું છે કે પતંજલિ યોગપીઠે (Patanjali Yogpeeth) આત્મનિર્ભર ભારતની પ્રેરણા કાયમ કરી અને દેશની આર્થિક સમૃદ્ધિમાં મોટો ફાળો આપ્યો. ન્યૂઝ સાથેની એક વિશિષ્ટ વાતચીતમાં રામદેવે કહ્યું કે પતંજલિએ ભારતમાં વર્ચસ્વ ધરાવતી વિદેશી કંપનીઓના મૂળને હલાવી દીધી છે.

રામદેવે જણાવ્યો તેમનો બિઝનેસ મંત્ર

કોરોના સમયગાળા દરમિયાન, જ્યારે મોટી મોટી કંપનીઓ બંધ થઇ ગઈ આ આ દરમિયાન પતંજલિએ ઘણી પ્રગતિ કરી. પોતાના બિઝનેસ મંત્ર જણાવતા રામદેવે કહ્યું કે અમે કોર્પોરેટ ગવર્નન્સ, મેનેજમેન્ટ, 100% પારદર્શિતા સાથે કામ કર્યું. તેમને કહ્યું કે સૌથી મહત્વની વાત એ છે કે આપણે ક્યારેય આપણા સિદ્ધાંતો સાથે સમાધાન કર્યું નથી. તેમણે કહ્યું, ‘દેશના 125 કરોડ લોકો મારા નામ અને મારા કાર્યથી મને ઓળખે છે. મેં 45 વર્ષ સુધી એક પણ દિવસ યોગ છોડ્યા નહીં. લોકોને મારી સાથે વિશ્વાસ છે. પોતાના ધંધાનો મંત્ર વર્ણવતા રામદેવે કહ્યું કે તમે જે કરો તે 100% પ્રમાણિકતા સાથે કરો.

પતંજલિએ વિદેશી કંપનીઓને હરાવી

સ્વામી રામદેવે કહ્યું કે પતંજલિ યોગપીઠે હિન્દુસ્તાન યુનિલિવર (Hindustan Unilever) સિવાય તમામ કંપનીઓ પાછળ છોડી દીધી છે. આ સાથે તેમણે દાવો કર્યો હતો કે વર્ષ 2025 સુધીમાં હિન્દુસ્તાન યુનિલિવરને પણ અમે પાછળ છોડી દઈશું.

‘5 વર્ષમાં આપી 5 લાખ લોકોને રોજગારી’

સ્વામી રામદેવે કહ્યું, ‘પતંજલિ કોઈ બ્રાન્ડ નથી, તે એક આંદોલન છે. અમે પાંચ વર્ષમાં પાંચ લાખ લોકોને રોજગારી આપી છે અને આગામી પાંચ વર્ષમાં પાંચ લાખ વધુ લોકોને રોજગાર આપીશું. તેમણે કહ્યું, ‘યોગની શરૂઆત 2 લોકો સાથે કરવામાં આવી હતી અને આજે તે 200 દેશો સુધી પહોંચાડી છે.’

તેમણે વધુમાં કહ્યું કે, ‘યોગે અસાધ્ય રોગો મટાડ્યા છે અને આજે વિશ્વનો મોટો વર્ગ યોગમાં જોડાયો છે. યોગ એ આ સમયનો સૌથી મોટો ધર્મ છે. ‘

Facebook Comments

Videos

Our Partners

Allianz Cloud