• સરદાર પાર્કમાં આવેલ આભૂષણ જવેલર્સની પાછળ પરમ ફૂટવેરનું ગોડાઉનનું શટર તોડી બાકોરું પાડી ખેલાયો સોના-ચાંદીની પોણા કરોડ ઉપરાંતની ચોરીનો ખેલ CCTV માં કેદ
  • રેકી સાથે જાણભેદુઓએ ખેલેલા ખેલની પોલીસને આશંકા

WatchGujarat. ભરૂચના ઇતિહાસમાં સંભવત અંકલેશ્વરમાં આભૂષણ જવેલર્સમાં સદીની સૌથી મોટી પોણા કરોડ ઉપરાંતની સોના-ચાંદીના આભૂષણોની તસ્કરીની વારદાત સામે આવતા ઔદ્યોગિક ગઢમાં ખલબલી મચી ગઇ છે.

મૂળ રાજસ્થાનના અને અંકલેશ્વર જીઆઇડીસીમાં રહેતા હેમંત જગદીશભાઈ સોનીની સરદાર પાર્ક-2 માં આભૂષણ જવેલર્સની દુકાન આવેલી છે. જવેલર્સના શો રૂમની પાછળ આવેલા પરમ ફૂટવેરના ગોડાઉનનું શટર તોડી તસ્કરો ત્રાટકયા હતા. રેકી અને પ્રિ પ્લાન આવેલા તસ્કરોએ શો-રૂમ તેમજ ગોડાઉનની વચ્ચેની દીવાલમાં બાંકોરું પાડી સદીની સૌથી મોટી સોના-ચાંદીની ચોરીને અંજામ આપ્યો હતો.

તસ્કરો જવેલર્સની શોપમાંથી દોઢ કિલો સોનાના આભૂષણો, 19 કિલો ચાંદીના દાગીના, ₹5.55 લાખના રિયલ  ડાયમંડના સેટ સહિત કુલ ₹87.30 લાખની ચોરી કરી જતા સમગ્ર જિલ્લામાં ખળભળાટ મચી ગયો છે. અંકલેશ્વર જીઆઇડીસી પોલીસે ડોગ સ્કવોર્ડ, એફ.એસ.એલ. અને સીસીટીવીની મદદથી આ પોણા કરોડ ઉપરાંતની ગોલ્ડ-સિલ્વરની ચોરીમાં આરોપીઓ સુધી પોહચવા ટીમો બનાવી તપાસ હાથ ધરી છે.

સોના, ચાંદી અને ડાયમંડમાં શુ થયું ચોરી

  • 46 નંગ સોનાની વીંટી
  • 55 જોડી પેન્ડલ બુટ્ટી
  • 117 જોડી કાનની બાલી
  • 129 પેન્ડલ
  • 83 જોડી ટોપ્સ બુટ્ટી
  • સોનાનો એક સેટ
  • 2 સોનાની ચેઇન
  • 29 નાકની જડ
  • 12 જોડી ચિપો
  • 45 જોડી રિયલ ડાયમન્ડ બુટ્ટી પેન્ડલ
  • 19 રિયલ ડાયમંડ પેન્ડટ
  • 13 રિયલ ડાયમંડ
  • 21 પેન્ડટ બુટ્ટી
  • 5 ડોકિયા
Facebook Comments

Videos

Our Partners

Allianz Cloud