WatchGujarat. બેંક ફિક્સ્ડ ડિપોઝિટ (Bank FD) અને બચત ખાતા (Saving Accounts) માં જોખમ ખૂબ ઓછું રહે છે. આવી સ્થિતિમાં, મોટી સંખ્યામાં લોકો રોકાણ માટે હાલના દિવસોમાં વધારે પસંદ કરે છે. આનાથી તેમને પોર્ટફોલિયોમાં વિવિધતા લાવવામાં પણ મદદ કરે છે. જો કે, મોટાભાગના રોકાણકારો ફિક્સ ડિપોઝિટ પરનું વળતર ખૂબ ઓછું માને છે. આવી સ્થિતિમાં, તેઓ એફડી માટે સૌથી વધુ વ્યાજ આપનાર બેંકની શોધ કરે છે. જયારે, છેલ્લા કેટલાક વર્ષોમાં, સ્ટેટ બેંક ઑફ ઇન્ડિયા (SBI) સહિત ઘણી સરકારી અને ખાનગી બેન્કોએ એફડી પરના વ્યાજના દરમાં નોંધપાત્ર ઘટાડો (Interest Rates Cut) કર્યો છે. ચાલો જાણીએ કે આવી કઇ બેંકો છે જે એસબીઆઈ અને એચડીએફસી બેંક (HDFC Bank) કરતા ગ્રાહકોને વધુ વળતર આપે છે.

કઇ બેંક આપી રહી છે કેટલું વ્યાજ દર

નવી અને નાની ખાનગી બેંકો મોટી બેંકો કરતા વધારે વ્યાજ દર આપી રહી છે. આમાં એયુ સ્મોલ ફાઇનાન્સ બેન્ક, ઇક્વિટાસ સ્મોલ ફાઇનાન્સ બેંક અને ઉજ્જીવન સ્મોલ ફાઇનાન્સ બેંક 7 ટકા સુધીના વ્યાજ દર આપી રહી છે.

>> ડીસીબી બેંક (DCB Bank) દ્વારા એફડી પર 6.75 ટકા વ્યાજ આપવામાં આવી રહ્યું છે.
>> આરબીએલ બેંક (RBL Bank) પણ ગ્રાહકોને ફિક્સ ડિપોઝિટ પર 6.25 ટકા વ્યાજ આપી રહી છે.
>> બંધન બેંક (Bandhan Bank) માં એફડી પર 6 ટકા વ્યાજ મળી રહ્યું છે. આ વ્યાજ દર મોટી સરકારી અને ખાનગી બેંકો કરતા વધારે છે.
>> એચડીએફસી બેન્ક (HDFC Bank), આઈસીઆઈસીઆઈ બેન્ક (ICICI Bank) અને એક્સિસ બેંક (Axis Bank) નો વ્યાજ દર ફક્ત 3-3.5 ટકા સુધીનો છે.
>> કોટક મહિન્દ્રા બેંક (Kotak Mahindra Bank) 4 ટકા સુધી વ્યાજ આપી રહી છે.
>> સરકારી બેંકોમાં સ્ટેટ બેંક ઑફ ઇન્ડિયા (SBI) નો વ્યાજ દર 2.70 ટકા છે અને બેંક ઑફ બરોડાનો માત્ર 3.20 ટકા છે.

નાની ખાનગી બેંકો રાખે છે વધુ ન્યૂનતમ બેલેન્સ

નાની ખાનગી બેંકોમાં મળતા ઉંચા વ્યાજ સાથે એક શરત પણ જોડાયેલ છે. આમાં લઘુત્તમ બેલેન્સની માત્રા સામાન્ય રીતે વધારે હોય છે. મોટી બેંકમાં લઘુતમ બેલેન્સ 500 રૂપિયા સુધીનું હોઈ શકે છે, પરંતુ એયુ સ્મોલ ફાઇનાન્સ બેંકમાં તે 2,000 રૂપિયા છે. નિષ્ણાતનું કહેવું છે કે નાની બેંકો ઓછામાં ઓછું બેલેન્સને વધુ રાખે છે કારણ કે તેઓ પગારદાર મધ્યમ વર્ગ અને સ્વ-રોજગાર વ્યવસાયિકો સુધી પહોંચવા માંગે છે. નિષ્ણાતોનું કહેવું છે કે લોકોએ એક એવી બેંક પસંદ કરવી જોઈએ કે જેમનું નેટવર્ક મોટું છે અને સારો સર્વિસ રેકોર્ડ સારા છે.

Facebook Comments

Videos

Our Partners

Allianz Cloud