WatchGujarat. સરકારી ક્ષેત્રની બેંકો સહિત અનેક જાહેર ક્ષેત્રની કંપનીઓ (PSUs) ના ખાનગીકરણ (Bank Privatisation) ની તરફ પગલા લીધા બાદ હવે કેન્દ્રની નરેન્દ્ર મોદી સરકાર (Modi Government) સામાન્ય વીમા કંપનીઓના ખાનગીકરણ (Insurance Companies Privatization) માટેની પણ યોજના બનાવી રહી છે. આ માટે, કેન્દ્ર સામાન્ય વીમા વ્યવસાય (રાષ્ટ્રીયકરણ) અધિનિયમ (GIBNA) માં સુધારા પર કામ કરી રહી છે. આ સંદર્ભે એક ખરડો (Amendment Bill) સંસદના ચોમાસું સત્ર (Monsoon Session) માં આ રજૂ કરી શકાય છે.

કાયદા હેઠળ કરી શકાય છે શેરોને હસ્તગત

સંસદનું ચોમાસું 19 જુલાઇથી શરૂ થવાની સંભાવના છે. જણાવી દઈએ કે સામાન્ય વીમા વ્યવસાય (રાષ્ટ્રીયકરણ) અધિનિયમ 1972 માં અસ્તિત્વમાં આવ્યો હતો. આ હેઠળ ભારતીય વીમા કંપનીઓના શેર અને અન્ય હાલની વીમા કંપનીઓના ઉપક્રમો હસ્તગત કરી સ્થાનાંતરિત (Share Transfer) કરી શકાય છે, જેથી સામાન્ય વીમા વ્યવસાયના વિકાસ દ્વારા દેશની અર્થવ્યવસ્થા (Indian Economy) ની જરૂરિયાતોને વધુ સારી રીતે પહોંચી શકાય. જી.આઇ.બી.એન.એ. માં સુધારાઓ પર કામ ચાલુ છે. જેને સામાન્ય વીમા કંપનીઓના ખાનગીકરણમાં મદદ માટે સંસદના આગામી ચોમાસા સત્રમાં મૂકી શકાય છે.

કેન્દ્ર સરકારે રાખ્યું છે 1.75 લાખ કરોડ રૂપિયા એકત્ર કરવાનો લક્ષ્યાંક

નાણાં પ્રધાન નિર્મલા સીતારામણે નાણાકીય વર્ષ 2021-22 માટે રજૂ કરેલા કેન્દ્રીય બજેટમાં જાહેર ક્ષેત્રની બે બેંકો અને એક સામાન્ય વીમા કંપનીનું ખાનગીકરણ કરવાની જાહેરાત કરવામાં આવી હતી. નાણાકીય ક્ષેત્ર માટેના ડિસઇન્વેસ્ટમેન્ટ વ્યૂહરચનાના ભાગરૂપે, સરકારે જીવન વીમા નિગમની પ્રારંભિક જાહેર ઑફર (LIC IPO) લાવવા અને તેના બાકીના હિસ્સાને આઈડીબીઆઈ બેંકમાં વેચવાનો નિર્ણય કર્યો છે. નાણાકીય વર્ષ 2021-22માં સરકારે જાહેર ક્ષેત્રની કંપનીઓ અને નાણાકીય સંસ્થાઓમાં શેર વેચાણથી રૂ. 1.75 લાખ કરોડ એકત્ર કરવાનો લક્ષ્યાંક રાખ્યો છે.

Facebook Comments

Videos

Our Partners

Allianz Cloud