WatchGujarat. દુનિયામાં એકથી વધુ ચઢિયાતા મસાલાઓ છે, જે તેમના સ્વાદ માટે જાણીતા છે. પરંતુ એક એવો પણ મસાલો છે, જે તેની કિંમતને કારણે પ્રખ્યાત છે. આ કારણોસર તેને દુનિયાનો સૌથી મોંઘો મસાલા કહેવામાં આવે છે. આ મસાલાવાળા છોડને પણ દુનિયાનો સૌથી મોંઘો છોડ કહેવામાં આવે છે. તેને ઉગાડતા મુખ્ય દેશોમાં ભારત સહીત ફ્રાન્સ, સ્પેન, ઈરાન, ઇટાલી, ગ્રીસ, જર્મની, જાપાન, રશિયા, ઑસ્ટ્રિયા, તુર્કસ્તાન, ચીન, પાકિસ્તાન અને સ્વિટ્ઝર્લન્ડ શામેલ છે. ભારતમાં તેની ખેતી જમ્મુ-કાશ્મીરના કિશ્તવાડ અને જન્નત-એ-કાશ્મીર ના પામપુર (પંપોર) સહીત વિસ્તારોમાં તેની વધુ ખેતી કરવામાં આવે છે.

દુનિયાના આ સૌથી મોંઘા મસાલાનું નામ કેસર છે, જેને અંગ્રેજીમાં સૈફન કહેવામાં આવે છે. બજારમાં કેસરનો ભાવ 2.5 લાખથી 3 લાખ રૂપિયે પ્રતિકિલો ની વચ્ચે છે. કેસર મોંઘું હોવાનું કારણ એ છે કે તેના 1.5 લાખ ફૂલોમાંથી માત્ર એક કિલો ડ્રાય કેસર મળે છે.

સોનાની જેમ મોંઘુ હોવાને કારણે કેસરને ‘રેડ ગોલ્ડ’ પણ કહેવામાં આવે છે. માનવામાં આવે છે કે આશરે 2300 વર્ષ પહેલાં ગ્રીસ (યુનાન) માં સૌપ્રથમ પહેલા સિકંદર મહાનની સૈન્ય દ્વારા તેની ખેતી કરવામાં આવી હતી.

એવું કહેવામાં આવે છે કે મિસ્ત્રની રહસ્યમય રાણી તરીકે પ્રખ્યાત ક્લિયોપેટ્રા પણ તેની સુંદરતા વધારવા માટે પણ કેસરનો ઉપયોગ કરતી હતી. જો કે, કેટલાક લોકો માને છે કે કેસરની ઉત્પત્તિ દક્ષિણ યુરોપના દેશ સ્પેનથી થઈ છે.

આજે દુનિયામાં સૌથી વધુ કેસરનું ઉત્પાદન સ્પેન કરે છે. કેસરના ફૂલોની સુગંધ એટલી તેજ હોય છે કે આસપાસના વિસ્તારો સુગંધિત હોય છે. તમને જાણીને આશ્ચર્ય થશે કે દરેક ફૂલમાં ફક્ત ત્રણ જ કેસરી જોવા મળે છે.

જોકે કેસરનો ઉપયોગ આયુર્વેદિક પધ્ધતિમાં ખોરાકની વાનગીઓ અને દેવતાની પૂજામાં થતો હતો, પરંતુ હવે તેનો ઉપયોગ પાન મસાલાઓ અને ગુટખાઓમાં પણ થવા લાગ્યો છે. કેસરને બ્લડ પ્યુરિફાયર, લો બ્લડ પ્રેશર બરોબર કરનાર અને કફ નાશકનો ઇલાજ પણ માનવામાં આવે છે. આ કારણોસર તેનો ઉપયોગ દવાથી લઈને ઔષધિઓ સુધી કરવામાં આવે છે.

Facebook Comments

Videos

Our Partners

Allianz Cloud