આપણે અવારનવાર વાહનોમાં આગ લાગવાના સમાચાર સાંભળીએ છીએ, અને ફરી એકવાર આવો જ એક કિસ્સો સમાચારોમાં છે. હકીકતમાં, રાષ્ટ્રીય ગ્રાહક વિવાદ નિવારણ પંચે ચેક રિપબ્લિક સ્થિત વાહન ઉત્પાદકને ગ્રાહકને 5 લાખ રૂપિયા ચૂકવવા નિર્દેશ આપ્યો છે. મહારાષ્ટ્રના એક વ્યક્તિએ દાવો કર્યો હતો કે મે 2007 માં જ્યારે તેનો ભાઈ અને તેનો પરિવાર રામપુરીથી નાગપુર પરત ફરી રહ્યા હતા ત્યારે ડ્રાઈવરે જોયું કે કારના બોનેટમાંથી ધુમાડો નીકળી રહ્યો છે, જેના પગલે કારમાં આગ લાગી ગઈ અને 20-25 મિનિટની અંદર કાર સંપૂર્ણં રીતે બળી ગઈ હતી. એટલે કે, આ કિસ્સો લગભગ 14 વર્ષ જૂની છે.

5 લાખ રૂપિયા આપવાનો આપ્યો NCDRC એ આદેશ

રિપોર્ટ અનુસાર, જેની કારમાં આગ લાગી તે વ્યક્તિને લગભગ 15 લાખ રૂપિયાનું નુકસાન થયું, જેમાંથી વીમા કંપનીએ 10,99,000 રૂપિયામાં સેટલમેન્ટ કર્યું. ત્યારબાદ વાહન માલિકે ફરિયાદ નોંધાવી કાર નિર્માતા પાસેથી માનસિક પીડા માટે 1 કરોડ રૂપિયા વળતરની માંગણી કરી હતી. જોકે, નવેમ્બર 2015 માં, રાજ્ય ગ્રાહક વિવાદ નિવારણ પંચ દ્વારા તેમની ફરિયાદને આ કારણથી ફગાવી દેવામાં આવી હતી કે કારમાં સાબિત મેન્યુફેક્ચરિંગ ખામી નથી, જેના પગલે તેમણે રાષ્ટ્રીય ગ્રાહક વિવાદ નિવારણ આયોગ (NCDRC) માં આદેશ વિરુદ્ધ અપીલ દાખલ કરી હતી. .

2015 ના આદેશને બાજુ પર રાખીને, NCDRC ના અધ્યક્ષ સભ્ય રામ સુરત રામ મૌર્યએ કહ્યું કે વ્યક્તિને બિન-આર્થિક વળતર તરીકે 5 લાખ આપવાનું યોગ્ય રહેશે કારણ કે “વિપક્ષ તરફથી સેવામાં ખામી સાબિત થાય છે.” આયોગે 29 સપ્ટેમ્બરના આદેશમાં કાર નિર્માતાને અકસ્માતની તારીખથી બે મહિનાની અંદર ફરિયાદીને વાર્ષિક 9 ટકાના વ્યાજ સાથે 5 લાખ રૂપિયાનું વળતર અને 1 લાખ રૂપિયાનો ખર્ચ ચૂકવવાનો નિર્દેશ આપ્યો હતો. જયારે, વ્યક્તિએ દાવો કર્યો હતો કે તેણે કારને માર્ચ 2006 માં 13 લાખમાં ખરીદી હતી અને તેને નિયમિતપણે અધિકૃત સર્વિસ સેંટર ને સર્વિસિંગ માટે મોકલી રહ્યો હતો.

Facebook Comments

Videos

Our Partners

Allianz Cloud