GIDCનાં આજુબાજુના ભાગે આવેલ ખીરસરા તેમજ મેટોડામાં ઉદ્યોગો દ્વારા થતા પ્રદુષણને કારણે ખેતીનાં પાકને ભારે નુકસાન થઈ રહ્યું છે - કિસાન સંઘનાં પ્રમુખ દિલીપ સખીયા
ઉદ્યોગોને કારણે પીવાનું પાણી પ્રદુષિત થવાથી અને કેમીકલ યુક્ત પાણી જમીનમાં ઉતરતા તળના પાણી પણ ખેતીના પાકને લાયક રહ્યા નથી
વિકાસશીલ ગુજરાતની અંદર આવેલ GIDC ના ઉદ્યોગકારોને પોતાના ઉદ્યોગોનાં વિસ્તરણ માટે દુરના વિસ્તારમાં જવું પડે છે
WatchGujarat. લોધિકા તાલુકામાં મેટોડા GIDC દ્વારા ભારે પ્રદુષણ કરવામાં આવતું હોવાથી નજીકનાં વિસ્તારમાં ખેતી કરતા ખેડૂતોને ભારે હાલાકીનો સામનો કરવો પડી રહ્યો છે. ત્યારે આજરોજ ખેડૂતો-મહિલાઓ ભારતીય કિસાન સંઘની આગેવાનીમાં ગંદા પાણીની બોટલો સાથે કલેક્ટર કચેરીએ પહોંચ્યા હતા. અને આ સમસ્યાનો ત્વરિત ઉકેલ લાવવાની માંગ કરી હતી.
આ અંગે કિસાન સંઘનાં પ્રમુખ દિલીપ સખીયાએ કહ્યું હતું કે, રાજકોટ જીલ્લાના લોધીકા તાલુકાના કાલાવડ રોડ પરના મેટોડા ગામે છેલ્લા 30 વર્ષથી GIDC ની સ્થાપના કરવામાં આવી છે. અને અહીં મોટા ઉદ્યોગો તેમજ નાના-મોટા કારખાના આવેલ છે. આ GIDCનાં આજુબાજુના ભાગે આવેલ ખીરસરા તેમજ મેટોડા ગામના આશરે 250 ખેડૂતોની જમીન પણ 20 વર્ષથી ગ્રીન ઝોનમાં આવેલી છે. આ ખેડુતો ખેતી કરીને પોતાનું ગુજરાન ચલાવે છે. જો કે છેલ્લા કેટલાક વર્ષોથી અહીં ઉદ્યોગો દ્વારા થતા પ્રદુષણને કારણે ખેતીનાં પાકને ભારે નુકસાન થઈ રહ્યું છે.
GIDCનાં વિવિધ કારખાનાઓ દ્વારા પોતાની ફેક્ટરી ઉદ્યોગોમાંથી નીકળતો કચરો, કેમીકલ, અને ફાઉન્ડ્રીની વેસ્ટેજ માટી, ઉપરાંત પ્લાસ્ટીકના કારખાનાંનો વેસ્ટેજ તેમજ ફેક્ટરીમાંથી નીકળતા કેમીકલ અને ધુમડાને લઈ ખેતીવાડીમાં મહેનત કરવા છતાં તેઓને પુરતું વળતર મળતું નથી. તેમજ કારખાનાંમાંથી નીકળતા અમુક કચરા નાશ પામતા નથી તેને તે લોકો સળગાવતા અમુક દિવસ સુધી સળગ્યા કરે છે. જેનો ધુમાડો પણ ખેતરનાં પાકને નુકશાન કરે છે, માલઢોર પણ બિમાર પડી જાય છે.
વધુમાં તેમણે જણાવ્યું હતું કે, ઉદ્યોગોને કારણે પીવાનું પાણી પ્રદુષિત થવાથી અને કેમીકલ યુક્ત પાણી જમીનમાં ઉતરતા તળના પાણી પણ ખેતીના પાકને લાયક રહ્યા નથી. જેને લઈને ખેડૂતોને પૂરતું ઉત્પાદન મળતુ નથી. એટલું જ નહીં બાજુમાં GIDC હોવાને કારણે ખેતી માટે ખેતમજુર પણ મળતા નથી. આમ GIDC આજુ-બાજુના ખેડૂતો આર્થિક રીતે ભાંગી ગયા હોવા છતાં જમીન છેલ્લા 20 વર્ષથી ગ્રીન ઝોનમાં હોય વેચી પણ શકતા નથી. સામાપક્ષે ઉદ્યોગકારો પણ આ કારણે જમીન ખરીદી શકતા નથી. ત્યારે આ મુશ્કેલીમાં જગતનો તાત જાય તો કયાં જાય ?
તો આવી ખેડૂતોની મુશ્કેલીનાં નિવારણ માટે GIDCની આસપાસની જમીનને ગ્રીનઝોનમાંથી ઉદ્યોગઝોનમાં મુકવી જરૂરી બની છે. વિકાસશીલ ગુજરાતની અંદર આવેલ GIDC ના ઉદ્યોગકારોને પોતાના ઉદ્યોગોનાં વિસ્તરણ માટે દુરના વિસ્તારમાં જવું પડે છે. જેથી આવી નજીકમાં આવેલી જમીનોને જ ઉદ્યોગ ઝોનમાં ફેરવવામાં આવે તો ઉદ્યોગકારોને પણ લાભ થાય તેમ છે. અને આ અંગે ખેડૂતો લાંબા સમયથી માંગ કરી રહ્યા છે. ત્યારે આ બાબતને લઇ જરૂરી કાર્યવાહી કરવા અમારી સરકારને અપીલ છે.
GIDCનાં આજુબાજુના ભાગે આવેલ ખીરસરા તેમજ મેટોડામાં ઉદ્યોગો દ્વારા થતા પ્રદુષણને કારણે ખેતીનાં પાકને ભારે નુકસાન થઈ રહ્યું છે - કિસાન સંઘનાં પ્રમુખ દિલીપ સખીયા
ઉદ્યોગોને કારણે પીવાનું પાણી પ્રદુષિત થવાથી અને કેમીકલ યુક્ત પાણી જમીનમાં ઉતરતા તળના પાણી પણ ખેતીના પાકને લાયક રહ્યા નથી
વિકાસશીલ ગુજરાતની અંદર આવેલ GIDC ના ઉદ્યોગકારોને પોતાના ઉદ્યોગોનાં વિસ્તરણ માટે દુરના વિસ્તારમાં જવું પડે છે
WatchGujarat. લોધિકા તાલુકામાં મેટોડા GIDC દ્વારા ભારે પ્રદુષણ કરવામાં આવતું હોવાથી નજીકનાં વિસ્તારમાં ખેતી કરતા ખેડૂતોને ભારે હાલાકીનો સામનો કરવો પડી રહ્યો છે. ત્યારે આજરોજ ખેડૂતો-મહિલાઓ ભારતીય કિસાન સંઘની આગેવાનીમાં ગંદા પાણીની બોટલો સાથે કલેક્ટર કચેરીએ પહોંચ્યા હતા. અને આ સમસ્યાનો ત્વરિત ઉકેલ લાવવાની માંગ કરી હતી.
આ અંગે કિસાન સંઘનાં પ્રમુખ દિલીપ સખીયાએ કહ્યું હતું કે, રાજકોટ જીલ્લાના લોધીકા તાલુકાના કાલાવડ રોડ પરના મેટોડા ગામે છેલ્લા 30 વર્ષથી GIDC ની સ્થાપના કરવામાં આવી છે. અને અહીં મોટા ઉદ્યોગો તેમજ નાના-મોટા કારખાના આવેલ છે. આ GIDCનાં આજુબાજુના ભાગે આવેલ ખીરસરા તેમજ મેટોડા ગામના આશરે 250 ખેડૂતોની જમીન પણ 20 વર્ષથી ગ્રીન ઝોનમાં આવેલી છે. આ ખેડુતો ખેતી કરીને પોતાનું ગુજરાન ચલાવે છે. જો કે છેલ્લા કેટલાક વર્ષોથી અહીં ઉદ્યોગો દ્વારા થતા પ્રદુષણને કારણે ખેતીનાં પાકને ભારે નુકસાન થઈ રહ્યું છે.
GIDCનાં વિવિધ કારખાનાઓ દ્વારા પોતાની ફેક્ટરી ઉદ્યોગોમાંથી નીકળતો કચરો, કેમીકલ, અને ફાઉન્ડ્રીની વેસ્ટેજ માટી, ઉપરાંત પ્લાસ્ટીકના કારખાનાંનો વેસ્ટેજ તેમજ ફેક્ટરીમાંથી નીકળતા કેમીકલ અને ધુમડાને લઈ ખેતીવાડીમાં મહેનત કરવા છતાં તેઓને પુરતું વળતર મળતું નથી. તેમજ કારખાનાંમાંથી નીકળતા અમુક કચરા નાશ પામતા નથી તેને તે લોકો સળગાવતા અમુક દિવસ સુધી સળગ્યા કરે છે. જેનો ધુમાડો પણ ખેતરનાં પાકને નુકશાન કરે છે, માલઢોર પણ બિમાર પડી જાય છે.
વધુમાં તેમણે જણાવ્યું હતું કે, ઉદ્યોગોને કારણે પીવાનું પાણી પ્રદુષિત થવાથી અને કેમીકલ યુક્ત પાણી જમીનમાં ઉતરતા તળના પાણી પણ ખેતીના પાકને લાયક રહ્યા નથી. જેને લઈને ખેડૂતોને પૂરતું ઉત્પાદન મળતુ નથી. એટલું જ નહીં બાજુમાં GIDC હોવાને કારણે ખેતી માટે ખેતમજુર પણ મળતા નથી. આમ GIDC આજુ-બાજુના ખેડૂતો આર્થિક રીતે ભાંગી ગયા હોવા છતાં જમીન છેલ્લા 20 વર્ષથી ગ્રીન ઝોનમાં હોય વેચી પણ શકતા નથી. સામાપક્ષે ઉદ્યોગકારો પણ આ કારણે જમીન ખરીદી શકતા નથી. ત્યારે આ મુશ્કેલીમાં જગતનો તાત જાય તો કયાં જાય ?
તો આવી ખેડૂતોની મુશ્કેલીનાં નિવારણ માટે GIDCની આસપાસની જમીનને ગ્રીનઝોનમાંથી ઉદ્યોગઝોનમાં મુકવી જરૂરી બની છે. વિકાસશીલ ગુજરાતની અંદર આવેલ GIDC ના ઉદ્યોગકારોને પોતાના ઉદ્યોગોનાં વિસ્તરણ માટે દુરના વિસ્તારમાં જવું પડે છે. જેથી આવી નજીકમાં આવેલી જમીનોને જ ઉદ્યોગ ઝોનમાં ફેરવવામાં આવે તો ઉદ્યોગકારોને પણ લાભ થાય તેમ છે. અને આ અંગે ખેડૂતો લાંબા સમયથી માંગ કરી રહ્યા છે. ત્યારે આ બાબતને લઇ જરૂરી કાર્યવાહી કરવા અમારી સરકારને અપીલ છે.