Watchgujarat. બાળકોનું ટિફિન હોય કે સાંજનો નાસ્તો, આ બંનેને લઈને ખૂબ જ મથામણ કરવી પડે છે. તો આજે આપણે બનાવીશું આવી જ એક વાનગી, જે બંનેને આવશે પસંદ. આ મોસમમાં તળેલ વસ્તુ ખાવાનું વધુ મન થાય છે. જો તમે ખાવાના શોખીન હોવ તો તમને આ સ્વાદિષ્ટ બટાટા લોલીપોપ્સ જરૂર પસંદ પડશે. એટલું જ નહીં, જો બાળકો ટિફિનમાં જો આ આપવામાં આવશે તો, ટિફીન 100 ટકા ખાલી જ પાછા આવશે. તો આજે અમે બાળકોની ફેવરેટ ડીસ બટાટા લોલીપોપ બનાવવાની રેસીપી લઈને આવ્યા છીએ. આ ઘણી ઝડપી બનવા વાળી વાનગી છે. જે ખાલી 5 મિનિટમાં બનીને તૈયાર થઇ જાય છે.

‘બટાટા લોલીપોપ્સ’ બનાવવા જરૂરી સામગ્રી:

બટાટા – 300 ગ્રામ,

ડુંગળી – 1 (ઝીણી સમારેલ),

લીલી કોથમીર – 1 ચમચી (સમારેલ),

બ્રેડ ક્રમ્બ્સ – 1 કપ (1 ચમચી કોટિંગ માટે અલગ રાખો)

લાલ મરચું પાવડર – 1 ચમચી,

પૈપરિકા – 1 ચમચી,

કોથમીર પાવડર – 1 ચમચી,

આદુ-લસણની પેસ્ટ – 2 ચમચી,

મીઠું – સ્વાદ મુજબ

લીંબુનો રસ – 1 ચમચી

ઇંડા – 1 (ફેટ કાઢેલા)

તેલ – તળવા માટે

‘બટાટા લોલીપોપ્સ’ બનાવવાની રીત:

– સૌ પ્રથમ તમામ ઘટકોને એક બાઉલમાં ભેળવીને મિક્ષ કરી લો.

– હવે આ મિશ્રણમાંથી ઇચ્છિત કદના બોલ બનાવી લો.

– એક વાટકીમાં બ્રેડ ક્રમ્બ્સ અને પૈપરિકા મિક્સ કરીને બાજુ પર રાખો.

– તૈયાર કરેલા બટાકાના દડાને ટૂથપીકમાં નાખો અને તેને ઇંડાના ઘોલમાં ડુબાડીને અને બ્રેડ  ક્રમ્બ્સ થી કવર કરી લો.

– એક કડાઈમાં તેલ ગરમ કરો અને બટાકાની લોલીપોપ્સને ગોલ્ડન થાય ત્યાં સુધી તળી લો.

– હવે તેને સર્વિંગ પ્લેટમાં બહાર કાઢો અને ટામેટાની ચટણી સાથે સર્વ કરો.

મિત્રો, આપ સૌને અમારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે અમને ઉત્સાહ રહે… દરરોજ અવનવી વાનગી માટે મુલાકાત લો અમારી આ વેબસાઈટની અને વાંચતા રહો…

Facebook Comments

Videos

Our Partners

Allianz Cloud