• પ્રજા જ ડ્રાઇવિંગ ફોર્સ, રૂલ અને રોલનું સંતુલન જરૂરી, મગજમાં બાબુ આવવા ન દેતા
  • જ્યારે પણ જરૂર પડે મારો દરવાજો ખખડાવી શકો છો, જ્યાં સુધી હું છું, હું તમારો મિત્ર, તમારો સાથી છું


કેવડિયા. વર્ચ્યુલ મિટિંગથી દેશના ભાવિ અધિકારીઓ સાથે વાત કરતાં વડાપ્રધાન નરેન્દ્ર મોદીએ એક ખાસ આગ્રહ કર્યો છે. પ્રધાનમંત્રી મોદીએ અપીલ કરતાં કહ્યું કે ‘સિવિલ સર્વન્ટ જે પણ નિર્ણય લે, તેઓ રાષ્ટ્રીય સંદર્ભમાં હોય, દેશની એકતા અખંડતાને મજબૂત કરવાના હોય. દેશના પહેલાં ગૃહમંત્રી સરદાર વલ્લભભાઇ પટેલની જયંતી પર તેમની સલાહ પણ પીએમ એ બનનારા અધિકારીઓ સાથે શેર કરી. તેમણે કહ્યું કે દેશના નાગરિકોની સેવા હવે તમારું સર્વોચ્ચ કર્તવ્ય છે.

જયારે તમે કામ કરવાનું શરૂ કરશો તો તે એ સમય હશે જયારે ભારત પોતાની સ્વતંત્રતાના 75માં વર્ષમાં હશે. તમે જ તે ઓફિસર છો જે એ સમયે પણ દેશ સેવામાં હશો, જયારે ભારત પોતાની સ્વતંત્રતાના 100 વર્ષ મનાવશે. મારો આગ્રહ છે કે આજની રાત સૂતા પહેલાં પોતાનાને અડધો કલાક આપો. તમારા કર્તવ્ય, જવાબદારી, પ્રણ અંગે જે તમે વિચારી રહ્યા છો તેને લખીને રાખી લેજો. આ કાગળનો ટુકડો જીવનભર તમારા સંકલ્પોને સાકાર કરવા માટે તમારા હૃદયના ધબકારા બનીને તમારી સાથે રહેશે.

સરદાર પટેલે બ્યુરોક્રેસને ‘દેશની સ્ટીલ ફ્રેમ’ કહ્યું હતું. પીએમ મોદીએ અધિકારીઓને તેનો મતલબ પણ સમજાવ્યો. તેમણે કહ્યું કે સ્ટીલ ફ્રેમનું કામ માત્ર આધાર આપવાનું, માત્ર ચાલતી આવતી વ્યવસ્થાઓને સંભાળવાનું જ નથી હોતું. સ્ટીલ ફ્રેમનું કામ દેશને એ અહેસાસ અપાવાનો પણ હોય છે કે મોટાથી મોટા સંકટ હોય કે પછી મોટાથી મોટા બદલાવ, તમે એક તાકાત બનીને દેશને આગળ વધારવામાં સહયોગ કરીશો.

મોદીએ ભાવિ અધિકારીઓને કહ્યું કે તેઓ દરેક સમયે તેમની સાથે ઉભા છે. તેમણે કહ્યું કે હું તમને વિશ્વાસ અપાવું છું કે પળેપળે તમારી સાથે છું. જયારે પણ જરૂર પડે તમે મારો દરવાજો ખખડાવી શકો છો. જયાં સુધી હું છું, હું તમારો મિત્ર છું તમારો સાથી છું. સાથે જ પ્રજા જ ડ્રાઈવિંગ ફોર્સ છે એ ન ભૂલી, મગજમાં બાબુ ન આવવા દઇ રૂલ અને રોલનું સંતુલન કરવા પણ ટકોર કરી હતી.

Facebook Comments

Videos

Our Partners

Allianz Cloud
error: Share the News !