• રેકોર્ડ બનાવવા પાછળનો મુખ્ય હેતું લોકોમાં છુપાયોલી શક્તિઓને કોઇ એક લક્ષ્યને હાંસલ કરવા માટે ભેગી કરી પરીણામ મેળવવાનું છે – દિવ્યાંગ ગાંધી, VP – વર્લ્ડ બુક ઓફ રેકોર્ડ લંડન
  • વડોદરામાંથી BAPS મંદિર અને યોગી ડિવાઇન સોસાયટી દ્વારા વિશ્વકક્ષાના રેકોર્ડ બનાવીને દુનિયાભરમાં નામના મેળવી
  • વર્લ્ડ બુક ઓફ રેકોર્ડમાં ધર્મ, આદ્યાત્મ, વિજ્ઞાન, સાયન્સ અને ટેકનોલોજી, હેલ્થ, હિલીંગ, એન્વાયરમેન્ટ, અને સામાજીક બદલાવને સ્પર્શતા વિષયોને પણ સમાવવામાં આવે છે
  • ભવિષ્યનું નેતૃત્વ કરી શકે તેવા સંભવિત ચહેરાઓ, સંસ્થાઓ, કે જેઓ કોમ્યુનિટીને સાચી દિશા બતાવી શકે તેમની શોધ કરવામાં આવે છે
  • સંસ્થા દ્વારા વર્લ્ડ બુક ઓફ રેકોર્ડ લંડન સાથે ગોલ્ડ બુક, સિલ્વર બુક, ઇન્ડિયા, કિડ્સ અને ઓનલાઇ સ્ટાર 2020 અંતર્ગત પણ સર્ટીફિકેટ આપવામાં આવે છે

Watchgujarat. આપણે મશીન યુગ અને ઇન્ટરનેટના યુગમાં જીવી રહ્યા છે. તેવા સમયે માનવોને સંયુક્ત રીતે મળીને સમાજમાં સકારાત્મક કાર્યો કરવા માટે પ્રેરવા માટે શહેરનો યુવા એન્ટ્રપ્રોન્યોર દિવ્યાંગ ગાંધી સતત પ્રયત્નશીલ છે. દિવ્યાંગ ગાંધી વર્લ્ડ બુક ઓફ રેકોર્ડ લંડનના ગુજરાતના વાઇસ પ્રેસીડેન્ટ છે. અને રાજ્યના મુખ્યમંત્રીથી લઇને અનેક વિશ્વપ્રસિદ્ધ ધાર્મિક સંસ્થાઓ સાથે રહીને વર્લ્ડ રેકોર્ડ સ્થાપવામાં મહત્વની કડીરૂપ ભુમિકા ભજવી છે.

વ્યક્તિ, સંસ્થા અને જગ્યાઓ પર સર્જનારા રેકોર્ડનું ડોક્યુમેન્ટેશન કરાવીને તેને વર્લ્ડ બુકમાં સ્થાન મળે

વર્લ્ડ બુક ઓફ રેકોર્ડ લંડનના વાઇસ પ્રેસીડેન્ટ દિવ્યાંગ ગાંધીએ watchgujarat.com સાથે વાત કરતા જણાવ્યું હતું કે, સંસ્થા લંડનમાં રજીસ્ટર્ડ થયેલી છે. રેકોર્ડ બનાવવા પાછળનો મુખ્ય હેતું લોકોમાં છુપાયોલી શક્તિઓને કોઇ એક લક્ષ્યને હાંસલ કરવા માટે ભેગી કરી પરીણામ મેળવવાનું છે. જેની નામના આંતરરાષ્ટ્રીય કક્ષા સુધી પહોંચતી હોય છે. અમારી સંસ્થા દ્વારા વ્યક્તિ, સંસ્થા અને જગ્યાઓ પર સર્જનારા રેકોર્ડનું ડોક્યુમેન્ટેશન કરાવીને તેને વર્લ્ડ બુકમાં સ્થાન આપવામાં આવે છે. રેકોર્ડ બનાવવાનું પ્રોત્સાહન વ્યક્તિ અથવા સંસ્થાને એક્સ્ટ્રા ઓર્ડિનરી પ્રયાસો કરવા કરવા તરફ પ્રેરે છે.

સંસ્થા દ્વારા વિશ્વકક્ષાએ બે પ્રકારે બુક પબ્લિશ કરવામાં આવે છે

વધુમાં દિવ્યાંગ ગાંધીએ ઉમેર્યું હતું કે, અમારી સંસ્થા દ્વારા વિશ્વકક્ષાએ બે ફોર્મેટમાં બુક પબ્લીશ કરવામાં આવે છે. એક ફોર્મેટમાં બુકને પ્રિન્ટ કરવામાં આવે છે. અને અન્ય ફોર્મેટમાં ઇ – બુક પબ્લીશ કરવામાં આવે છે. તેની સાથે વર્લ્ડ બુક ઓફ રેકોર્ડમાં ધર્મ, આદ્યાત્મ, વિજ્ઞાન, સાયન્સ અને ટેકનોલોજી, હેલ્થ, હિલીંગ, એન્વાયરમેન્ટ, અને સામાજીક બદલાવને સ્પર્શતા વિષયોને પણ સમાવવામાં આવે છે.

ભવિષ્યના રોલ મોડેલને વૈશ્વિક ફલક પર લઇ જવાનો પ્રયાસ

દિવ્યાંગ ગાંધીએ જણાવ્યું કે, આપણે ઝડપથી વિકસતી દુનિયામાં જીવી રહ્યા છીએ. આપણે મશીન યુગને વટાવી ચુકી હવે જાતે જ મશીન બની ગયા છીએ. ત્યારે અમારી સંસ્થા દ્વારા ભવિષ્યનું નેતૃત્વ કરી શકે તેવા સંભવિત ચહેરાઓ, સંસ્થાઓ, કે જેઓ કોમ્યુનિટીને સાચી દિશા બતાવી શકે તેમની શોધ કરવામાં આવે છે. અને તેમને રોલ મોડલ તરીકે દુનિયાભરમાં પબ્લીશ કરવામાં આવે છે.

એન્ટ્રી આપતા પહેલા તમામ પાસાઓની ઝીણવટભરી તપાસ કરવામાં આવે છે

વર્લ્ડ બુક ઓફ રેકોર્ડ લંડનમાં એન્ટ્રી મેળવવા અંગે દિવ્યાંગ ગાંધીએ જણાવ્યું કે, અમારી સંસ્થા દ્વારા અગાઉથી નક્કી કરેલી પ્રક્રિયાને અનુસરીને, યોગ્ય છણાવટ કર્યા બાદ જ એન્ટ્રી લેવામાં આવે છે. એન્ટ્રી લીધા બાદ વ્યક્તિ અથવા સંસ્થા દ્વારા જમા કરાવવામાં આવેલા ડોક્યુમેન્ટ્સનું યોગ્ય વેરીફીકેશન કરવામાં આવે છે. એન્ટ્રી આપતા પહેલા તમામ પાસાઓની ઝીણવટભરી તપાસ કરવામાં આવે છે. અમારી ટીમ દ્વારા તમામ પ્રક્રિયા પુર્ણ કર્યા બાદ જ કોઇ વ્યક્તિને વર્લ્ડ બુકમાં સ્થાન મળે છે.

વડોદરાની BAPS  અને યોગી ડિવાઇન સોસાયટી દ્વારા રેકોર્ડ બનાવી વિશ્વમાં ખ્યાતી મેળવી

દિવ્યાંગ ગાંધીએ જણાવ્યું કે, વડોદરામાંથી BAPS મંદિર અને યોગી ડિવાઇન સોસાયટી દ્વારા વિશ્વકક્ષાના રેકોર્ડ બનાવીને દુનિયાભરમાં નામના મેળવી છે. BAPS મંદિર દ્વારા 3500 થી વધુ વેજીટેરીયન ફુડના પ્રસાદનો ભોગ ભગવાનને ધરાવાયો હતો. તે અંગે તેમણે વર્લ્ડ રેકોર્ડમાં સ્થાન મળ્યું હતું. અને યોગી ડિવાઇન સોસાયટી દ્વારા 2.14 લાખ લોકોએ એક જ જગ્યાએ ઓર્ગન ડોનેશ પ્રતિજ્ઞા લેવા બદલ અને સ્વસ્છ સીટી બનાવવા માટે 1.15 લાખ લોકોએ પ્રતિજ્ઞા લીધા અંગેનો વર્લ્ડ રેકોર્ડ બનાવ્યો છે. રાજ્યમાં મુખ્યમંત્રીથી લઇને અનેક સાંસદો, તથા સમાજસેવીઓએ વૈશ્વિક રેકોર્ડ બનાવીને દુનિયાને પ્રેરણા આપવાનો પ્રયાસ કરવા બદર રેકોર્ડ બુકમાં સ્થાન પામ્યું હતું.

ગોલ્ડ બુક, સિલ્વર બુક, ઇન્ડિયા, કિડ્સ અને ઓનલાઇ સ્ટાર 2020 અંતર્ગત પણ સર્ટીફિકેટ મળી શકે

વર્લ્ડ બુક ઓફ રેકોર્ડ સિવાય પણ અનેક એડીશનમાં લોકો તેમના કામની સરાહના કરતું સર્ટિફિકેટ મેળવી શકે છે. તે અંગે માહિતી આપતા દિવ્યાંગ ગાંધીએ ઉમેર્યું કે, અમારી આંતરરાષ્ટ્રીય સંસ્થા દ્વારા વર્લ્ડ બુક ઓફ રેકોર્ડ લંડન સિવાય ગોલ્ડ બુક, સિલ્વર બુક, ઇન્ડિયા, કિડ્સ અને ઓનલાઇ સ્ટાર 2020 અંતર્ગત પણ સર્ટીફિકેટ આપવામાં આવે છે. જો કોઇ વ્યક્તિની પ્રતિભાને વર્લ્ડ રેકોર્ડ બુક ઓફ લંડનમાં સમાવી ન શકાય તો તેમના માટે અન્ય વિકલ્પો પણ ઉપલબ્ધ છે.

અમારી ટીમને જોડતી મહત્વની કડી સંતોષ શુક્લા છે

દિવ્યાંગ ગાંધીએ વર્લ્ડ બુક ઓફ રેકોર્ડના ભારત દેશમાં કર્તાહર્તા સંતોષ શુક્લા છે. તેઓ હંમેશા વર્લ્ડ બુક ઓફ રેકોર્ડ સાથે સંકળાયેલા લોકોની સમસ્યાઓ અને તેમના ગ્રોથ વિશે ચિંતીત રહે છે. અને ગમે તેટલા વ્યસ્ત હોય તો પણ અમારી સાથે સંવાદ કરી અને અમારી મુંજવણ દુર કરે છે. સંતોષ શુક્લા સુપ્રીમ કોર્ટના સુપ્રસિદ્ધ વકીલ હોવાની સાથે અનેક બિઝનેસ, અને કલ્ચરલ ફોરમનું પ્રતિનીધીત્વ કરે છે. તેમના કામને લઇને તેઓ દેશ – વિદેશમાં જાણીતા છે.

Facebook Comments

Videos

Our Partners

Allianz Cloud