• ફેક ન્યુઝ આજના સમયની સૌથી મોટો વાઇરસ છે, જે દિવસેને દિવસે મજબુત થતો જાય છે
  • સોશિયલ મિડિયા પર વિડીયો, ઓડિયો, ઇમેજ અથવા વિડીયો વાઇરલ થતા ગણતરીનો સમય લાગે છે
  • સોશિયલ મિડીયાના  જ ઉપયોગથી ફેક ન્યુઝ પર લગામ કસવી શક્ય બની શકે
  • શહેરમાં રાજેન્દ્ર ત્રિવેદી ફેન ક્લબનના નામે પૈસા પડાવવા બોગસ સોશિયલ મિડીયા એકાઉન્ટ બનાવવાનો કિસ્સો સામે આવ્યો હતો
  • એમ.એસ.યુનિ.માં વિદ્યાર્થીઓને ગેરમાર્ગે દોરવાના મામલે હાલ સાયબર ક્રાઇમ તપાસ કરી રહી છે

WatchGujarat.  પોતાના સ્વાર્થ ખાતર ઉપજાવી કાઢેલી માહિતી ને ફેક ન્યુઝ તરીકે ઓળખાય છે. અને તે આજના ઇન્ટરનેટના યુગમાં જોવા મળતી તમામ પ્રકારની સમસ્યાઓમાં પ્રમુખ સ્થાને જોવા મળે છે. સોશિયલ મિડીયામાં કોઈ કારણસર કોઈની માટે ફેક ન્યુઝ પોતાના લાભ માટે અથવા બીજાને નુકસાન પહોંચાડવાના હેતુથી ફેલાવવાનો ટ્રેન્ડ દિવસેને દિવસે જોખમી બનતો જાય છે.

સાયબર ક્રાઇમ ઇન્વેસ્ટીગેટર મયુર ભુસાવળકરે વધુમાં જણાવ્યું હતું કે, ઇન્ટરનેટ યુગમાં માહિતી ફેલાવવાની ગતિ એટલી ઝડપી હોય છે કે આંખોના પલકારામાં તે સમગ્ર દુનિયામાં તેમજ દુનિયાના ચોક્કસ વિસ્તારમાં વધુમાં ચોક્કસ વર્ગ સુધી પોંહચી શકાય છે.  તાજેતરમાં જ દેશમાં અને દુનિયામાં એવી ઘણી બધી ઘટનાઓ સામે આવી હતી. જેનાં મૂળમાં માત્ર “ફેક ન્યુઝ” જ જવાબદાર હતો. જેનાથી ઘણા લોકો બદનામ થયા, ઘણા લોકોએ પોતાની જિંદગી ખોઈ તથા દેશની સંપત્તી ને પણ નુકશાન પહોંચ્યું છે.

મયુર ભુસાવળકરે ઉમેર્યું હતું કે, ઉપજાવી કાઢેલી  માહિતી (ફેક ન્યુઝ) વાઇરલ કરીને સંસ્થાઓને પણ બદનામ કરવામાં આવી છે. અને આવનાર સમયમાં હજી કેટલાય તેનો ભોગ બનશે.  “ફેક ન્યુઝ” ને અંકુશમાં લેવા માટે પણ વિવિધ આકરા પગલાં ભરવામાં આવ્યા છે. પરંતુ દુર્ભાગ્યની વાત છે કે, તેમાં ઘટાડો થવાની જગ્યાએ વધારો જ જોવા મળી રહ્યો છે. જેનો ફેલાવો હવે નિરંકુશ બનવા તરફ જઇ રહ્યો છે. ફેક ન્યુઝ આજના સમયમાં એક પ્રકારનું “બદનામ કરવાનું હથિયાર” બની ચૂક્યું છે. “ફેક ન્યુઝ” બાબતે સમાજ,સરકાર અને સોશ્યિલ મીડિયા કંમ્પનીઓને વધુ જાગૃત બનવાની જરૂર છે. નહીં તો દેશ,સમાજ,સંસ્થાઓ,સરકાર અને જેતે વ્યક્તિમત્તાને ખુબજ મોટું નુકશાન થઈ શકે છે.

તાજેતરમાં ગુજરાત વિધાનસભાના સ્પીકર રાજેન્દ્ર ત્રિવેદી ફેન ક્લબ અને એમ.એસ.યુનિના ફેક સર્ક્યુલર બનાવવાનો મામલો સામે આવ્યો હતો. રાજેન્દ્ર ત્રિવેદીના મામલામાં ભેજાબાજ દ્વારા રાજેન્દ્ર ત્રિવેદી ફેન ક્લબ બનાવીને ફોલોઅર્સ પાસેથી પૈસા પડાવવાનો કારસો રચ્યો હતો. જ્યારે એમ.એસ.યુનિ.નું ફેક સર્ક્યુલર બનાવીને તેની ગરિમા લજવવાના પ્રયાસો કરવામાં આવ્યા હતા. જે રીતે સ્થાનિક કક્ષાએ ફેક ન્યુઝ વાઇરલ થઇ રહ્યા છે. તે જોતા ફેક ન્યુઝ સામે લોકોએ જાતેજ જાગૃત બનવું પડશે. નહિ તો તેના ભોગ બનવું પડશે.

 દુષણ અટકાવવા માટે લોકોએ જાતે જ સચેત બનવું પડશે

મયુર ભુસાવળકરે જણાવ્યું હતું કે, કોરોના મહામારીમાં લોકોએ માસ્ક પહેરવું, સોશિયલ ડિસ્ટન્સીંગનું પાલન કરવું, બિન જરૂરી બહાર નિકળવાનું ટાળવું જેવા તકેદારીના પગલા અનુસર્યા હતા. જેને કારણે કોરોના વિસ્ફોટ થતો અટક્યો હતો. પરંતુ હવે કોરોનાની વેક્સીન આવી ગઇ છે. તેવી જ રીતે લોકોએ કોઇ પણ ફોટો, વિડીયો અથવાતો ફાઇલ ફોર્મેટની ખરાઇ કર્યા વગર શેર કરવું જોઇએ નહિ. ફેક ન્યુઝની કોઇ વેક્સીન આવવાની નથી. લોકોએ જાતે જ સચેત રહીને કામ કરવું પડશે. ફેક ન્યુઝ આજના સમયની હકીકત છે.

કોઇ પણ વ્યક્તિ અથવા સંસ્થાએ લોકો સુધી માહિતી પહોંચાડવા માટે સોશિયલ મિડીયાનો પોઝીટીવ ઉપયોગ કરવો જોઇએ

આજકાલ કોઇ વ્યક્તિ (સેલીબ્રીટી) અથવાતો સંસ્થા સોશિયલ મિડીયા પર એકાઉન્ટ ધરાવે છે. સેલીબ્રીટી અથવાતો સંસ્થાની જરૂરી માહિતી લોકો સુધી પહોંચાડવા માટે સોશિયલ મિડીયાનો પોઝીટીવ ઉપયોગ કરવો જોઇએ. સિંગલ પોઇન્ટ કોમ્યુનિકેશન (એક જ જગ્યાએથી માહિતી પ્રાપ્ત થઇ શકે)ની વ્યવસ્થા રાખવાથી ફેક ન્યુઝ પર લગામ કસવામાં ઘણાખરા અંશે સફળતા મળી શકે છે. સેલીબ્રીટી અથવાતો સંસ્થા અંગેની કોઇ ખોટી માહિતી રિપોર્ટ કરવા માટે વેબસાઇટ અથવા સોશિયલ મિડીયા એકાઉન્ટ પર કસ્ટમર કેર નંબર આપવો જોઇએ. જેને કારણે સમયસર માહિતી મળવાને કારણે જરૂરી પગલા ભરવામાં સરળતા રહે – વાચા પંડ્યા, ડિજીટલ એક્સપર્ટ

Facebook Comments

Videos

Our Partners

Allianz Cloud