watchgujarat: ટેલિકોમ કંપની Reliance Jio દ્વારા અત્યાર સુધીનો સૌથી ખાસ રિચાર્જ પ્લાન રજૂ કરવામાં આવ્યો છે. આ પ્લાન કેલેન્ડર મંથ વેલિડિટી પ્રી-પેડ પ્લાનના નામે રજૂ કરવામાં આવ્યો છે. આ પ્લાન 259 રૂપિયામાં આવે છે. આ પ્લાનમાં યુઝર્સને અનલિમિટેડ ડેટા અને કોલિંગની સુવિધા મળે છે. આ રિચાર્જ પ્લાન ખાસ છે, કારણ કે આ પ્લાનમાં મહત્તમ 31 દિવસની વેલિડિટી મળશે, 28 નહીં. સરળ શબ્દોમાં કહીએ તો, જો તમે 5મી એપ્રિલ 2022ના રોજ 259 રૂપિયાનો Jio પ્રી-પેડ પ્લાન રિચાર્જ કરો છો, તો તમારો રિચાર્જ પ્લાન આવતા મહિને એટલે કે 4 મે સુધી કામ કરશે. આવી સ્થિતિમાં યુઝર્સે 5 મેના રોજ ફરીથી પ્લાન રિચાર્જ કરાવવો પડશે.

શું થશે ફાયદો

Jioના 259 રૂપિયાના પ્રી-પેડ પ્લાનમાં મહત્તમ 1.5 GB પ્રતિ દિવસ ડેટા ઓફર કરવામાં આવશે. આ પ્લાનમાં અમર્યાદિત કૉલિંગ સાથે દરરોજ 100 SMS ઉપલબ્ધ છે. આ પ્લાનને MyJio એપ અને Reliance Jio વેબસાઈટ પરથી રિચાર્જ કરી શકાય છે.

આ રિચાર્જ પ્લાન કેમ ફાયદાકારક છે?

તમામ વર્તમાન ટેલિકોમ કંપનીઓ એક મહિનાના રિચાર્જ પ્લાનના નામે 28 દિવસની વેલિડિટી ઓફર કરે છે. પરંતુ આ પહેલો રિચાર્જ પ્લાન છે, જેમાં એક આખા મહિનાની વેલિડિટી મળશે. 28 દિવસની વેલિડિટી અનુસાર, યુઝર્સને વર્ષમાં 12 મહિનાને બદલે 13 મહિના માટે રિચાર્જ કરાવવું પડશે. જેની સામે ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) દ્વારા ટેલિકોમ કંપનીઓને ઓછામાં ઓછો એક રિચાર્જ પ્લાન રજૂ કરવાનો નિર્દેશ આપવામાં આવ્યો હતો જેમાં સંપૂર્ણ 31 દિવસની વેલિડિટી ઓફર કરવામાં આવી હોય. આ પછી Jio દ્વારા 259 રૂપિયાનો પ્લાન રજૂ કરવામાં આવ્યો છે. Jio પછી, એરટેલ અને વોડાફોન-આઇડિયા દ્વારા આવા પ્લાન ઓફર કરી શકાય છે.

Facebook Comments Box

Videos

Our Partners