અંકલેશ્વરમાં ત્રીજા માળે પ્લાસ્ટિકની છાજલી પર પડ્યા બાદ હાથમાં કેબલનો વાયર આવી જતા જમીન પર પડેલા બાળકનો જીવ બચી ગયો
મૂળજી કલ્યાણ ટાવરમાં શાહ પરિવારનો દીકરો રમતા રમતા નીચે જોતા ગેલેરીમાંથી પડ્યો
ધડાકાભેર બાળક નીચે પડતા લોકો દોડી આવ્યા, પરિવાર ઘરમાં કામકાજમાં હોય બાળક પરથી નજર હટતા દુર્ઘટના ટળી
નજીકમાં લગાવેલા સીસીટીવીમાં બાળક નીચે પડતા દેખાયો
WatchGujarat. અંકલેશ્વરના સમડી ફળીયાના મુળજી કલ્યાણ ટાવરના ચોથા માળની ગેલેરીમાંથી અંદાજે 40 ફૂટ ઉપરથી શુક્રવારે 5 વર્ષનો એક બાળક અકસ્માતે નીચે પટકાયો હતો. ચોથા માળેથી પડતી વેળાં ત્રીજા માળે આવેલી પ્લાસ્ટિકની છાજલી પર પડ્યાં બાદ બાળકના હાથમાં કેબલનો વાયર આવી જતાં તે વાયર પકડી નીચે પડ્યો હતો. જોકે, છાજલી અને વાયરના કારણે તેનો જમીન પર પટકાવાનો ફોર્સ ઘટી જતાં તેનો આબાદ બચાવ થયો હતો. ઘટનામાં તેના સામાન્ય ઇજાઓ થતાં શહેરની એક ખાનગી હોસ્પિટલમાં સારવાર અર્થે ખસેડવામાં આવ્યો હતો.
https://youtu.be/EUYorHq7rns
અંક્લેશ્વર શહેરમાં આવેલાં મુળજી કલ્યાણ ટાવર નામની બહુમાળી બિલ્ડીંગના ચોથા માળે રહેતાં પ્રતિમ શાહનો શિશુ-1માં અભ્યાસ કરતો 5 વર્ષીય પુત્ર સિદ્ધમ શુક્રવારે તેના ઘરની ગેલેરીમાં રમી રહ્યો હતો. રમતી વેળાં ગેલેરીમાંથી નીચે જોતી વેળાં કે અન્ય કોઇ કારણસર તેનું સંતુલન નહીં રહેતાં તે ગેલેરીમાંથી નીચે પડી ગયો હતો. સદનશીબે તે નીચેના અન્ય ફ્લેટની ગેલેરીને લગાવેલાં પ્લાસ્ટિકની છાજલી પર પડ્યો હતો. તે સમયે તેના હાથમાં ત્યાંથી પસાર થઇ રહેલો કેબલ વાયર આવી જતાં તેણે વાયર ફીટ પકડી લીધો હતો.
જે બાદ તે ત્યાંથી પણ નીચે પડ્યો હતો. જોકે, તેણે પડતી વેળાં કેબલ વાયર પકડી લીધો હોઇ જમીન પર પડવાનો ફોર્સ ઘટી જતાં તેને સામાન્ય ઇજાઓ જ થતાં તેનો આબાદ બચાવ થયો હતો. ઘટનાને પગલે તેના પરિવારજનો તેમજ આસપાસના લોકો તુરંત દોડી આવતાં તેમણે તાત્કાલિક સારવાર માટે નજીકની ખાનગી હોસ્પિટલમાં ખસેડ્યો હતો.
જ્યાં હાલમાં તેની સારવાર ચાલી રહી છે. તબીબોના જણાવ્યાનુંસાર તેને મોઢાના ભાગે તેમજ શરીરમાં અન્ય ભાગોમાં સામાન્ય ઇજાઓ જ થઇ હતી. આશ્ચર્યજનક રીતે બાળકે મોતને મ્હાત આપતાં પરિવારજનોના જીવમાં જીવ આવ્યો હતો. અંક્લેશ્વરના મુળજી કલ્યાણ ટાવરના ચોથા માળેથી 5 વર્ષનું બાળક પડવાની ઘટના ત્યાં નજીકમાં જ લગાવેલાં એક સીસીટીવી કેમેરામાં કેદ થઇ હતી. જેમાં તે જમીન પર પટકાતા અને લોકોએ તેને સારવાર માટે લઇ જતાં દેખાયાં હતાં.
અંકલેશ્વરમાં ત્રીજા માળે પ્લાસ્ટિકની છાજલી પર પડ્યા બાદ હાથમાં કેબલનો વાયર આવી જતા જમીન પર પડેલા બાળકનો જીવ બચી ગયો
ધડાકાભેર બાળક નીચે પડતા લોકો દોડી આવ્યા, પરિવાર ઘરમાં કામકાજમાં હોય બાળક પરથી નજર હટતા દુર્ઘટના ટળી
નજીકમાં લગાવેલા સીસીટીવીમાં બાળક નીચે પડતા દેખાયો
WatchGujarat. અંકલેશ્વરના સમડી ફળીયાના મુળજી કલ્યાણ ટાવરના ચોથા માળની ગેલેરીમાંથી અંદાજે 40 ફૂટ ઉપરથી શુક્રવારે 5 વર્ષનો એક બાળક અકસ્માતે નીચે પટકાયો હતો. ચોથા માળેથી પડતી વેળાં ત્રીજા માળે આવેલી પ્લાસ્ટિકની છાજલી પર પડ્યાં બાદ બાળકના હાથમાં કેબલનો વાયર આવી જતાં તે વાયર પકડી નીચે પડ્યો હતો. જોકે, છાજલી અને વાયરના કારણે તેનો જમીન પર પટકાવાનો ફોર્સ ઘટી જતાં તેનો આબાદ બચાવ થયો હતો. ઘટનામાં તેના સામાન્ય ઇજાઓ થતાં શહેરની એક ખાનગી હોસ્પિટલમાં સારવાર અર્થે ખસેડવામાં આવ્યો હતો.
અંક્લેશ્વર શહેરમાં આવેલાં મુળજી કલ્યાણ ટાવર નામની બહુમાળી બિલ્ડીંગના ચોથા માળે રહેતાં પ્રતિમ શાહનો શિશુ-1માં અભ્યાસ કરતો 5 વર્ષીય પુત્ર સિદ્ધમ શુક્રવારે તેના ઘરની ગેલેરીમાં રમી રહ્યો હતો. રમતી વેળાં ગેલેરીમાંથી નીચે જોતી વેળાં કે અન્ય કોઇ કારણસર તેનું સંતુલન નહીં રહેતાં તે ગેલેરીમાંથી નીચે પડી ગયો હતો. સદનશીબે તે નીચેના અન્ય ફ્લેટની ગેલેરીને લગાવેલાં પ્લાસ્ટિકની છાજલી પર પડ્યો હતો. તે સમયે તેના હાથમાં ત્યાંથી પસાર થઇ રહેલો કેબલ વાયર આવી જતાં તેણે વાયર ફીટ પકડી લીધો હતો.
જે બાદ તે ત્યાંથી પણ નીચે પડ્યો હતો. જોકે, તેણે પડતી વેળાં કેબલ વાયર પકડી લીધો હોઇ જમીન પર પડવાનો ફોર્સ ઘટી જતાં તેને સામાન્ય ઇજાઓ જ થતાં તેનો આબાદ બચાવ થયો હતો. ઘટનાને પગલે તેના પરિવારજનો તેમજ આસપાસના લોકો તુરંત દોડી આવતાં તેમણે તાત્કાલિક સારવાર માટે નજીકની ખાનગી હોસ્પિટલમાં ખસેડ્યો હતો.
જ્યાં હાલમાં તેની સારવાર ચાલી રહી છે. તબીબોના જણાવ્યાનુંસાર તેને મોઢાના ભાગે તેમજ શરીરમાં અન્ય ભાગોમાં સામાન્ય ઇજાઓ જ થઇ હતી. આશ્ચર્યજનક રીતે બાળકે મોતને મ્હાત આપતાં પરિવારજનોના જીવમાં જીવ આવ્યો હતો. અંક્લેશ્વરના મુળજી કલ્યાણ ટાવરના ચોથા માળેથી 5 વર્ષનું બાળક પડવાની ઘટના ત્યાં નજીકમાં જ લગાવેલાં એક સીસીટીવી કેમેરામાં કેદ થઇ હતી. જેમાં તે જમીન પર પટકાતા અને લોકોએ તેને સારવાર માટે લઇ જતાં દેખાયાં હતાં.