WatchGujarat. એમેઝોનના સીઈઓ Jeff Bezos છેલ્લા કેટલાક વર્ષોથી વિશ્વના સૌથી ધનિક લોકોની યાદીમાં ટોચ પર હતા. પરંતુ હવે તેમનું શાસન સમાપ્ત થઈ ગયું છે. Louis Vuitton કંપનીના માલિક ફ્રાન્સના Bernard Arnault એ વિશ્વના સૌથી ધનિક લોકોની યાદીમાં અમેરિકાના Jeff Bezos ને પછાડી દીધા છે.

શું છે Louis Vuitton

Louis Vuitton એક ફ્રેન્ચ કંપની છે. તેને LVMH અથવા Moët Hennessy Louis Vuitton પણ કહેવામાં આવે છે. લુઇસ વીટન કંપની કપડાં, કોસ્મેટિક, ફેશન એસેસરીઝ, ઘડિયાળો, પરફ્યુમ, ઘરેણાં, વાઇન, પર્સ વગેરેનું ઉત્પાદન કરે છે. લુઇસ વીટન વિશ્વની સૌથી મોટી અને લોકપ્રિય કંપનીઓમાંની એક છે.

Bernard Arnault સૌથી ધનિક વ્યક્તિ બનવા પાછળનાં કારણો

Louis Vuitton કંપની સતત સારો બિઝનેસ કરી રહી છે. હાલમાં, તેના શેરની કિંમતમાં પણ ઉછાળો જોવા મળ્યો છે. આવી સ્થિતિમાં લુઈસ વીટન કંપનીનું મૂલ્ય પણ ઝડપથી વધ્યું, જેનો ફાયદો બર્નાર્ડ આર્નોલ્ટને થયો અને તે વિશ્વના સૌથી ધનિક વ્યક્તિ બન્યા અને ફોર્બ્સની યાદીમાં પ્રથમ ક્રમે આવ્યા.

કુલ સંપત્તિ

ફ્રેન્ચ ઉદ્યોગપતિ Bernard Arnault ની કુલ સંપત્તિ હાલમાં 19,890 મિલિયન ડોલર છે. આ ફોર્બ્સની યાદીની નવી રેન્કિંગ મુજબ છે. હવે બીજા સ્થાને આવેલા જેફ બેઝોસની કુલ સંપત્તિ $ 19,490 મિલિયન હોવાનો અંદાજ છે. જયારે, ત્રીજા સ્થાને રહેલા ટેસ્લા અને સ્પેસએક્સના માલિક એલોન મસ્કની કુલ સંપત્તિ $ 18,550 મિલિયન હોવાનો અંદાજ છે.

આ પહેલા પણ બની ચૂક્યો છે તે સૌથી ધનિક વ્યક્તિ

Louis Vuitton ના માલિક Bernard Arnault પણ વિશ્વના સૌથી ધનિક લોકોની યાદીમાં પ્રથમ ક્રમે આવ્યા છે. તેણે આ 3 વખત કર્યું છે. બર્નાર્ડ અગાઉ ડિસેમ્બર 2019, જાન્યુઆરી 2020 અને મે 2021 માં વિશ્વના સૌથી ધનિક વ્યક્તિ બની ચૂક્યા છે અને ફોર્બ્સની યાદીમાં ટોચ પર છે.

Facebook Comments

Videos

Our Partners

Allianz Cloud