Covid-19 Vaccination: દેશમાં કોરોનાના નવા કેસોમાં સતત ઘટાડો થઈ રહ્યો છે. રસીકરણની સંખ્યા પણ 83 કરોડને પાર કરી ગઈ છે. કોરોના મહામારીની સામે રામબાણ કોરોના વેક્સિનેશનની પ્રક્રિયા ડોર ટુ ડોર હાથ ધરવામાં આવે તેવી માગ કરવામાં આવી હતી. દરમિયાન, એક મોટો નિર્ણય લેતા સરકારે ડોર ટુ ડોર રસીકરણની મંજૂરી આપી દીધી છે. આ માટે માર્ગદર્શિકા પણ જારી કરવામાં આવી છે. નીતિ આયોગના સભ્ય ડો.વી.કે.પૌલે ગુરુવારે આ માહિતી આપી હતી.

તેમણે કહ્યું કે જે લોકો કેન્દ્રમાં જવા સક્ષમ નથી તેમના માટે અમે ઘરે રસીકરણ શરૂ કરી રહ્યા છીએ. આ માટે એક એડવાઈઝરી જારી કરવામાં આવી છે. આદેશમાં કહેવામાં આવ્યું છે કે જે લોકો રસીકરણ કેન્દ્રમાં જવા માટે અસમર્થ છે તેમને રસીકરણ કરાવવાની ખાતરી કરવી જોઈએ. તમામ રાજ્યો અને કેન્દ્રશાસિત પ્રદેશોએ આ માટે ખાસ વ્યવસ્થા કરવી જોઈએ.

કેન્દ્રીય આરોગ્ય સચિવ રાજેશ ભૂષણે કહ્યું કે કેટલાક રાજ્યોમાં રસીકરણ પર જબરદસ્ત કામગીરી કરવામાં આવી છે. આને કારણે, 18 વર્ષથી વધુ ઉંમરના 66 ટકા લોકોને કોરોનાની ઓછામાં ઓછી એક માત્રા મળી છે. 23 ટકાને બંને ડોઝ મળ્યા છે.

6 રાજ્યો, કેન્દ્રશાસિત પ્રદેશોએ તેમની 100% વસ્તીને પ્રથમ ડોઝ આપ્યો છે. તેમાં લક્ષદ્વીપ, ચંદીગઢ,, ગોવા, હિમાચલ પ્રદેશ, આંદામાન અને નિકોબાર ટાપુઓ અને સિક્કિમનો સમાવેશ થાય છે. 4 રાજ્યો અને કેન્દ્રશાસિત પ્રદેશોમાં, 90 ટકાથી વધુ વસ્તીને પ્રથમ ડોઝ આપવામાં આવ્યો છે. તેમાં દાદરા અને નગર હવેલી, કેરળ, લદ્દાખ અને ઉત્તરાખંડનો સમાવેશ થાય છે.

Facebook Comments

Videos

Our Partners

Allianz Cloud