છેલ્લા દોઢ વર્ષથી પ્રવેશ, પરિણામ અને પરીક્ષાને લઇ વાલીઓ મૂંઝવણમાં મુકાઇ રહ્યાં છે
રાજકોટની નામાંકિત સ્કૂલ દ્વારા કેટલાક નિયમોનું સર્ક્યુલર વાલીઓને મોકલાતા વિવાદ
ખુલ્લેઆમ પત્ર લખીને ફી ભરવા દબાણ કરનાર સામે તંત્ર કોઈ પગલાં લેશે કે નહીં તે તો આવનારો સમય જ બતાવશે
WatchGujarat. શહેરની ખાનગી શાળા RPSની દાદાગીરી સામે આવી છે. તેણે વાલીઓને ધમકીભર્યો પત્ર લખીને પોતાની મનમાની ઉઘાડી પાડી દીધી છે. RPS સ્કૂલના પરિપત્રમાં ઉલ્લેખ કરાયો છે કે, પહેલાં પૂરી ફી ભરો પછી જ પરિણામ આપીશું. તેમજ વાલીઓને 5,000 રોકડા કે ચેકથી નવા વર્ષના પ્રવેશ માટે આપવાનો અને ફરજિયાત ખાનગી પ્રકાશનના પુસ્તકો લેવાનું દબાણ પણ કરાયું છે. જેને લઈને વાલીઓમાં ભારે રોષ જોવા મળી રહ્યો છે. આડકતરી રીતે શાળા સંચાલકો દ્વારા વાલીઓને ધમકી આપીને ડરાવવાનો પ્રયાસ કરવામાં આવી રહ્યો છે.
છેલ્લા દોઢ વર્ષથી પ્રવેશ, પરિણામ અને પરીક્ષાને લઇ વાલીઓ મૂંઝવણમાં મુકાઇ રહ્યાં છે. ક્યાંક પરિણામ માટે ફી ભરવા દબાણ તો ક્યાંક નવા વર્ષમાં પ્રવેશ માટે રૂપિયાની માંગણી થતી હોવાનું સામે આવી રહ્યું છે. આ જ રીતે રાજકોટની નામાંકિત રાજકોટ પબ્લિક સ્કૂલ દ્વારા કેટલાક નિયમોનું સર્ક્યુલર વાલીઓને મોકલાતા વિવાદ સર્જાયો છે. સર્ક્યુલરમાં 10 જેટલા અલગ અલગ મુદ્દાઓની નોંધણી કરવામાં આવી છે. આ 10 મુદ્દાઓ પૈકી કેટલાક મુદ્દાઓના કારણે વિવાદ સર્જાયો છે. વાલીઓનો આક્ષેપ છે કે શાળા દ્વારા એવું કહેવામાં આવી રહ્યું છે કે ફી ભરશો તો જ પરિણામ આપવામાં આવશે અને ભૂતકાળમાં ફી બાકી હોય તેવા વિદ્યાર્થીના ઓનલાઇન ક્લાસ પણ બંધ કરી દેવામાં આવ્યા હતા.
ઉલ્લેખનીય છે કે, કોરોના મહામારી વચ્ચે મધ્યમ વર્ગ અને ગરીબ લોકોની સૌથી વધુ સ્થિતિ વણસી છે. નોકરી અને ધંધા ઠપ થતાં લોકોને અનેક મુશ્કેલીઓનો સામનો કરવો પડી રહ્યો છે. તેની વચ્ચે કેટલીક ખાનગી સ્કૂલો ફી મામલે પોતાની મનમાની કરી રહ્યું છે. આવી ઘટનાઓ અવારનવાર પ્રકાશમાં આવવા છતાં તંત્રએ હજુસુધી કોઈપણ શાળા સામે ચોક્કસ પગલાં લીધા નથી. અને આ માટે સાબિતી નહીં હોવાના બહાનાઓ તંત્ર દ્વારા કાઢવામાં આવ્યા છે. ત્યારે હવે ખુલ્લેઆમ પત્ર લખીને ફી ભરવા દબાણ કરનાર RPS ની સામે તંત્ર કોઈ પગલાં લેશે કે નહીં તે તો આવનારો સમય જ બતાવશે.
છેલ્લા દોઢ વર્ષથી પ્રવેશ, પરિણામ અને પરીક્ષાને લઇ વાલીઓ મૂંઝવણમાં મુકાઇ રહ્યાં છે
રાજકોટની નામાંકિત સ્કૂલ દ્વારા કેટલાક નિયમોનું સર્ક્યુલર વાલીઓને મોકલાતા વિવાદ
ખુલ્લેઆમ પત્ર લખીને ફી ભરવા દબાણ કરનાર સામે તંત્ર કોઈ પગલાં લેશે કે નહીં તે તો આવનારો સમય જ બતાવશે
WatchGujarat. શહેરની ખાનગી શાળા RPSની દાદાગીરી સામે આવી છે. તેણે વાલીઓને ધમકીભર્યો પત્ર લખીને પોતાની મનમાની ઉઘાડી પાડી દીધી છે. RPS સ્કૂલના પરિપત્રમાં ઉલ્લેખ કરાયો છે કે, પહેલાં પૂરી ફી ભરો પછી જ પરિણામ આપીશું. તેમજ વાલીઓને 5,000 રોકડા કે ચેકથી નવા વર્ષના પ્રવેશ માટે આપવાનો અને ફરજિયાત ખાનગી પ્રકાશનના પુસ્તકો લેવાનું દબાણ પણ કરાયું છે. જેને લઈને વાલીઓમાં ભારે રોષ જોવા મળી રહ્યો છે. આડકતરી રીતે શાળા સંચાલકો દ્વારા વાલીઓને ધમકી આપીને ડરાવવાનો પ્રયાસ કરવામાં આવી રહ્યો છે.
છેલ્લા દોઢ વર્ષથી પ્રવેશ, પરિણામ અને પરીક્ષાને લઇ વાલીઓ મૂંઝવણમાં મુકાઇ રહ્યાં છે. ક્યાંક પરિણામ માટે ફી ભરવા દબાણ તો ક્યાંક નવા વર્ષમાં પ્રવેશ માટે રૂપિયાની માંગણી થતી હોવાનું સામે આવી રહ્યું છે. આ જ રીતે રાજકોટની નામાંકિત રાજકોટ પબ્લિક સ્કૂલ દ્વારા કેટલાક નિયમોનું સર્ક્યુલર વાલીઓને મોકલાતા વિવાદ સર્જાયો છે. સર્ક્યુલરમાં 10 જેટલા અલગ અલગ મુદ્દાઓની નોંધણી કરવામાં આવી છે. આ 10 મુદ્દાઓ પૈકી કેટલાક મુદ્દાઓના કારણે વિવાદ સર્જાયો છે. વાલીઓનો આક્ષેપ છે કે શાળા દ્વારા એવું કહેવામાં આવી રહ્યું છે કે ફી ભરશો તો જ પરિણામ આપવામાં આવશે અને ભૂતકાળમાં ફી બાકી હોય તેવા વિદ્યાર્થીના ઓનલાઇન ક્લાસ પણ બંધ કરી દેવામાં આવ્યા હતા.
ઉલ્લેખનીય છે કે, કોરોના મહામારી વચ્ચે મધ્યમ વર્ગ અને ગરીબ લોકોની સૌથી વધુ સ્થિતિ વણસી છે. નોકરી અને ધંધા ઠપ થતાં લોકોને અનેક મુશ્કેલીઓનો સામનો કરવો પડી રહ્યો છે. તેની વચ્ચે કેટલીક ખાનગી સ્કૂલો ફી મામલે પોતાની મનમાની કરી રહ્યું છે. આવી ઘટનાઓ અવારનવાર પ્રકાશમાં આવવા છતાં તંત્રએ હજુસુધી કોઈપણ શાળા સામે ચોક્કસ પગલાં લીધા નથી. અને આ માટે સાબિતી નહીં હોવાના બહાનાઓ તંત્ર દ્વારા કાઢવામાં આવ્યા છે. ત્યારે હવે ખુલ્લેઆમ પત્ર લખીને ફી ભરવા દબાણ કરનાર RPS ની સામે તંત્ર કોઈ પગલાં લેશે કે નહીં તે તો આવનારો સમય જ બતાવશે.