WatchGujarat. OSD ડો. વિનોદ રાવના માર્ગદર્શન હેઠળ કાર્યરત મહાનગર સેવાસદન તંત્ર દ્વારા કોરોના ટેસ્ટમાં ધરખમ વધારો કરાયો છે. ત્યારે આજરોજ 953 પોઝિટીવ કેસ નોંધાયા છે. શહેરમાં કોરોના રોજેરોજ નવો ઇતિહાસ સર્જી રહ્યો છે. અને પોતોના નવા રેકોર્ડ સ્થાપી રહ્યો છે. છેલ્લા કેટલાય સમયથી સતત નવી ઉંચાઇઓને કોરોના પોઝીટિવ કેસનો આંક આંબી રહ્યો છે.
વડોદરા મહાનગર સેવાસદન દ્વારા આજે સાંજે જાહેર કરાયેલા બુલેટીન અનુસાર, ગત સાંજથી આજે સાંજ સુધી લેવાયેલા 9,958 સેમ્પલમાંથી 953 કોરોના પોઝિટીવ અને 9,005 નેગેટીવ જણાઈ આવ્યા છે. જેને પગલે શહેરનો કુલ કોરોના પોઝિટીવ આંકડો 55,320 પર પહોંચ્યો છે. જ્યારે મૃત્યુ આંક 10 નોંધાયો છે. અત્યાર સુધીમાં કુલ મૃત્યુ આંક 501 પહોંચ્યો છે.
સત્તાવાર બુલેટીન અનુસાર, હાલ કુલ 10,179 દર્દીઓ સારવાર હેઠળ છે. જે પૈકી 9,272 ની હાલત સ્ટેબલ છે, જ્યારે 552 ઓક્સિજન પર અને 349 દર્દી વેન્ટીલેટર પર હોઈ કુલ 901 દર્દીઓની હાલત ગંભીર ગણી શકાય.
છેલ્લાં 24 કલાકમાં 148 સરકારી હોસ્પિટલ ખાતેથી, 154 ખાનગી હોસ્પિટલ ખાતેથી અને 666 હોમ આઈસોલેશનમાંથી મળી કુલ 968 દર્દીઓને ડિસ્ચાર્જ કરાતાં, કુલ ડિસ્ચાર્જ આંક 29,663 પર પહોંચ્યો છે. અત્રે ઉલ્લેખનિય છે કે 9,283 હોમ ક્વોરેન્ટાઈન છે, 0 વ્યક્તિ સરકારી ફેસીલીટીમાં ક્વોરેન્ટાઈન કરાયાં છે, 0 વ્યક્તિ પ્રાઈવેટ ફેસિલીટીમાં ક્વોરેન્ટાઈન કરાયા છે. જેને પગલે કુલ 9,283 વ્યક્તિઓ ક્વોરેન્ટાઈન દર્શાવાયા છે.