watchgujarat: ઉત્તર જર્મનીમાં એક પિગ ફાર્મે બુધવારે તેના તમામ 4,000 પ્રાણીઓને મારવાનું શરૂ કરી દીધું. આફ્રિકન સ્વાઈન ફ્લૂનો એક કેસ નોંધાયા બાદ ફાર્મે આ પગલું ભર્યું છે. સ્વાઈન ફીવર ફાટી નીકળવાનો આ કેસ બર્લિનથી ઉત્તર-પશ્ચિમમાં લગભગ 185 કિમી દૂર આવેલા ગેસ્ટ્રો નજીકના સ્વાઈન ફાર્મમાં આવ્યો છે.

આફ્રિકન સ્વાઈન ફ્લૂનો કહેર

જર્મનીમાં, ગયા વર્ષે જંગલી ડુક્કરો (શુવર) માં આવા કિસ્સા પ્રથમવાર નોંધાયા હતા. આફ્રિકન સ્વાઈન ફ્લૂ સામાન્ય રીતે ડુક્કર માટે જીવલેણ હોય છે પરંતુ મનુષ્યોને અસર કરતું નથી. તે ઘણા યુરોપિયન દેશોમાં ફેલાય છે, જંગલી ડુક્કર અને ખેતરના ડુક્કરને અસર કરે છે.

આફ્રિકન સ્વાઈન ફીવર ડુક્કર માટે ખૂબ જ ઘાતક માનવામાં આવે છે અને તેની અસર વિશ્વના ઘણા દેશોમાં જોવા મળી છે. ભારતમાં પણ ગયા વર્ષે મે મહિનામાં આસામમાં આફ્રિકન સ્વાઈન ફીવરના ચેપને કારણે 13 હજારથી વધુ શુવરના મોત થયા હતા. સ્વાઈન ફીવરનો મામલો સામે આવ્યા બાદ રાજ્યમાં પશુપાલન સાથે સંકળાયેલા સેંકડો લોકોની રોજીરોટી પર અસર થઈ હતી.

સપ્લાય ચેઇન પર થશે અસર

સ્વાઈન ફીવર જર્મનીના ડુક્કરનું માંસ ઉદ્યોગ અને ખાસ કરીને એશિયામાં સપ્લાય કરવામાં આવતા માંસને અસર કરશે. જર્મનીની જેમ ડેનમાર્ક પણ પોર્કનો મોટો નિકાસકાર દેશ છે, પરંતુ હવે તેણે પાડોશી દેશ જર્મનીને ધ્યાનમાં રાખીને સ્વાઈન ફીવરને રોકવા માટે પગલાં લેવાનું શરૂ કર્યું છે.

જો કે, જર્મનીમાં સ્વાઈન ફીવર ફાર્મમાં કેવી રીતે પ્રવેશ્યો તેના પર સંશોધન ચાલી રહ્યું છે અને નિષ્ણાતો તેની પાછળનું કારણ શોધવાનો પ્રયાસ કરી રહ્યા છે.

Facebook Comments Box

Videos

Our Partners