WatchGujarat: Pradhan Mantri Awas Yojana: દરેક લોકોનું પોતાનું ઘર હોય તેવું સપનું છે, જેને પૂર્ણ કરવા માટે કેન્દ્ર સરકાર પ્રધાનમંત્રી આવાસ યોજના ચલાવી રહી છે. આ યોજના દ્વારા સરકાર દ્વારા આર્થિક રીતે નબળા લોકોને ઘર બનાવવા માટે આર્થિક મદદ કરવામાં આવે છે. દેશના લાખો લોકોએ આ યોજનાનો લાભ લીધો છે, તેની સાથે જ આ યોજના હેઠળ લોકો આજે પણ તેમના ઘરનું સપનું પૂરું કરી રહ્યા છે. આ યોજના હેઠળ મેદાની વિસ્તારોમાં મકાન બનાવવા માટે સરકાર દ્વારા 1 લાખ 20 હજાર રૂપિયા અને પર્વતીય વિસ્તારોમાં 1 લાખ 30 હજાર રૂપિયા આપવામાં આવે છે.તમે વેબસાઇટ દ્વારા પ્રધાનમંત્રી આવાસ યોજના માટે ઓનલાઈન અરજી પણ કરી શકો છો, યોજના વિશે જાણો અને યોજનાની સૂચિમાં તમારું નામ પણ તપાસો. આ સાથે, તમે AwaasApp એપ દ્વારા તેનાથી સંબંધિત કામ પણ કરી શકો છો.પ્રધાનમંત્રી આવાસ યોજનાની લિસ્ટમાં તપાસો તમારું નામ- સૌ પ્રથમ તમારે પ્રધાનમંત્રી આવાસ યોજનાની વેબસાઇટ https://awaassoft.nic.in/netiay/AdvanceSearch.aspx પર જવું પડશે.- આ પછી તમારે તમારું રાજ્ય પસંદ કરવાનું રહેશે.- આ પછી તમારે જિલ્લા, બ્લોક, પંચાયત વગેરેની માહિતી ભરવાની રહેશે.- આ પછી તમારે સર્ચ ઓપ્શનમાં ક્લિક કરવાનું રહેશે.- હવે તમે સર્ચ કરેલી જગ્યાની હાઉસિંગ સ્કીમની યાદી દેખાવા લાગશે.2024 સુધીમાં તમામને ઘર આપવાનું છે લક્ષ્યકેન્દ્ર સરકારે 2024 સુધીમાં દેશના તમામ આર્થિક રીતે નબળા નાગરિકોને ઘર આપવાનું લક્ષ્ય રાખ્યું છે. આ યોજના સરકાર દ્વારા 2016માં શરૂ કરવામાં આવી છે. મીડિયા રિપોર્ટ્સ અનુસાર, 21 ફેબ્રુઆરી, 2022 સુધી 1.73 કરોડ ઘરોનું નિર્માણ પૂર્ણ થઈ ગયું છે.