બપોરનાં ત્રણેક વાગ્યાનો સમય છે. રાબેતા મુજબ, માયાનગરી મુંબઈની ચહલપહલ અને વ્યસ્તતા એના વાતાવરણમાં છલકાઈ રહી છે. હોટેલ જે.ડબ્લ્યુ. મેરિયટ્ટના લોઅર બેન્ક્વેટ હૉલમાં માધુરીનો પ્રવેશ થાય છે. મધમાં ઝબોળાઈને ઝરતી વાણી, તગતગતી ત્વચા, બદામની ફાડ જેવી સુંદર પાણીદાર આંખો, પાતળું તીણું નાક, ગુલાબની પાંખડી સમાન હોઠ ને એમાંથી સતત સ્ફૂરતું નિખાલસ હાસ્ય! માધુરી એટલે દાયકાઓથી ધબકતું સિનેમા! માધુરી એટલે નૃત્ય. બોલિવૂડ ચાહકોનાં દિલ પર રાજ કરી રહેલી આ અભિનેત્રીએ લગ્ન બાદ બોલિવૂડમાંથી ઘણો લાંબો બ્રેક લીધો હોવા છતાં લોકો તેમને ભૂલ્યા નહીં. પોતાની નજરમાત્રથી ભલભલાને ઘાયલ કરી નાંખે એવું તેજતોખાર વ્યક્તિત્વ. ૧૫ મે, ૧૯૬૭માં જન્મેલા માધુરી દીક્ષિત નેને આજે પચાસી વટાવી ચૂક્યા છે. અંગત જીવન, કરિયરમાં ઉતાર-ચડાવ, બાળપણ, લગ્નજીવન, બાળકો, ફિલ્મો અને ટેલિવિઝન ક્ષેત્રે એમણે પુષ્કળ સંઘર્ષ કર્યો છે. ચાલુ વર્ષની સૌથી સફળ ફિલ્મ ‘ટોટલ ધમાલ’માં મરાઠી મુલગીની ભૂમિકા અદા કર્યા બાદ ધર્મા પ્રોડક્શનની ’કલંક’માં તેમણે બહાર બેગમનો કિરદાર નિભાવ્યો. ફિલ્મ સફળ ન રહી પરંતુ તેમના ક્લાસિકલ નૃત્ય અને અભિનયનાં ખૂબ વખાણ થયા.
એમણે જણાવ્યું કે નૃત્ય અને અભિનય શરૂઆતી સમયમાં મારા માટે ફક્ત શોખ હતાં. એને મેં કરિયર-ઑપ્શન તરીકે ક્યારેય સ્વીકાર્યા જ નહોતાં. બારમા ધોરણની પરીક્ષા આપી એ ગાળામાં એટલે કે ૧૯૮૪ની સાલમાં મેં પહેલી ફિલ્મ ‘અબોધ’ કરી. સ્કૂલમાં તો વેકેશન ચાલી રહ્યું હતું એટલે વચગાળામાં ડાન્સ અને ફિલ્મોનાં કેટલાક પ્રોજેક્ટ કરવા એ અંગે હું કટિબદ્ધ હતી. મારા મહારાષ્ટ્રિયન પરિવારમાંથી કોઇ વ્યક્તિ સિનેમા સાથે જોડાયેલ નહીં, એટલે બધાના મનમાં હતું કે હું વિજ્ઞાન-પ્રવાહમાં આગળ વધીને માઇક્રોબાયોલોજિસ્ટ બનું. ‘અબોધ’ તો ન ચાલી, એ ઉપરાંત ત્યારબાદની ચાર-પાંચ ફિલ્મો સદંતર નિષ્ફળ નીવડી. આમ છતાં ફિલ્મોની ઓફર તો આવતી જ રહી. ‘સ્વાતિ’, ‘આવારા બાપ’ જેવી ફિલ્મોમાં નાના કિરદારો નિભાવ્યા. અલ્ટીમેટલી, નક્કી કર્યુ કે હું અભ્યાસની સાથોસાથ ફિલ્મો પણ ચાલુ રાખીશ. કારણકે એ સમયમાં શુટિંગ ૧૦ દિવસથી વધારે ન ચાલતું, જેના લીધે અભ્યાસ માટે પણ પૂરતો સમય મળી રહેતો.
નૃત્ય માટેની પ્રેરણા એમને કોની પાસેથી મળી એ પ્રશ્નનાં જવાબમાં માધુરી દીક્ષિત જણાવે છે કે, પુરસ્કાર વિજેતા જીન કેલી પાસેથી ઘણું શીખવા મળ્યું છે. તદુપરાંત, ભારતીય સિનેમામાં નૃત્યશૈલીમાં સંપૂર્ણતઃ બદલાવ લાવવા માટે જાણીતાં એવા વૈજયંતીમાલા પણ મારા આદર્શ ખરા! વાસ્તવમાં તેઓ આપણા દેશનાં પહેલા મહિલા સુપરસ્ટાર ગણી શકાય, જેમણે ભારતીય નૃત્યને વિશ્વ સ્તર સુધી પહોંચાડવામાં મદદ કરી. સ્વાભાવિક રીતે, નાનપણમાં મારું પણ સપનું હતું કે વૈજયંતીમાલા સાથે એક મંચ પર નૃત્ય કરું! મારી ડાન્સ દીવાનગી પાછળ એમનો સિંહફાળો છે.
ફિલ્મોમાં સફળતાનો સ્વાદ ક્યારે ચાખવા મળ્યો એ પ્રશ્નનાં જવાબમાં ધક ધક ગર્લ જણાવે છે કે, ‘તેઝાબ’ ફિલ્મ બાદ જાણે તમામ સમીકરણો બદલાઈ ગયા. એનો એક હાસ્યાસ્પદ પ્રસંગ મને અત્યારે યાદ આવે છે. એમાં એક ગીત હતું, એક દો તીન! જેને સરોજ ખાન કોરિયોગ્રાફ કરવાના હતાં. શરૂ શરૂમાં જ્યારે મેં એના લિરિક્સ સાંભળ્યા ત્યારે મને બહુ વિચિત્ર લાગ્યા. આ વળી કેવું ગીત જેમાં ફક્ત આંકડાઓની જ વાત કરવામાં આવે છે! એ ગીત શુટ થયું અને જ્યારે મેં એને મોટા પડદા પર જોયું ત્યારે એની સાચી ઇમ્પેક્ટનો ખ્યાલ આવ્યો. (હસતાં હસતાં) જોકે, એ વખતે મારી ઉંમર નાની હતી એટલે આવી ભૂલો થયા રાખતી.
ડાન્સ શૉનાં નિર્ણાયક તરીકે પરત ફરી રહેલા માધુરી દીક્ષિતને ડાન્સર અને જજ બંનેની ભૂમિકા વચ્ચેની ખાસ બાબતો શું છે અને તેમનો આ અંગે કેવો અનુભવ રહ્યો એ વિશે આગળ ચર્ચા કરી. જેમાં તેમણે કહ્યું કે, જ્યારે તમે ડાન્સ કરો છો ત્યારે પૂર્ણપણે નટરાજને સમર્પિત થઈને ફક્ત હાવભાવ અને બોડી મુવમેન્ટ્સ પર ધ્યાન એકાગ્ર કરો છો, શ્રેષ્ઠ પર્ફોમન્સ આપવાનો પ્રયાસ કરો છો. પરંતુ નિર્ણાયક તરીકે વ્યક્તિની જવાબદારી વધી જાય છે. ભૂલથી પણ કોઇ હતોત્સાહી ન બની જાય એ માટે સતત સભાન રહેવું પડે છે. સ્પર્ધકની હકારાત્મક બાબતો પર ધ્યાન આપીને તેમની ખામીઓને હળવેકથી દૂર કરતા જવાની આ પ્રક્રિયા વાસ્તવમાં મહેનત માંગી લે એવી છે. મેં મારી કરિયરમાં હંમેશા શ્રેષ્ઠ આપવાનો જ પ્રયત્ન કર્યો છે. હા. ક્યારેક ચૂક થઈ હોય ત્યારે શીખવા પણ મળ્યું છે.
ઇન્દ્રકુમારની ટોટલ ધમાલ, જેમાં તેમણે વર્ષો પછી અનિલ કપૂર સાથે કામ કર્યુ. ત્રણસો કરોડનાં આંકડાને પાર કરી ચૂકેલી આ ફિલ્મ ૨૦૧૯ની સફળત્તમ ફિલ્મોમાંની એક ગણાય છે. બીજી બાજુ, બોક્સઓફિસ પર નબળી પૂરવાર થયેલી કરણ જોહરની ‘કલંક’માં તેમણે બહાર બેગમની ભૂમિકા ભજવી હતી. ફિલ્મ ભલે નિષ્ફળ રહી, પરંતુ માધુરીના ક્લાસિકલ ડાન્સ અને તેના અભિનયનાં લોકોએ બે મોઢે વખાણ કર્યા. જેના વિશે જણાવતાં તેઓ કહે છે કે, બંને ફિલ્મો પોતપોતાની જગ્યાએ શ્રેષ્ઠ છે. એમાંના કિરદારો જુદા છે. એમની સરખામણી શક્ય નથી.
નવી પેઢીની અભિનેત્રીઓ વિશે વાત કરતા એમણે જણાવ્યું હતું કે આજસુધી ક્યારેય મેં કોઇને ક્રમ આપ્યા નથી. દરેકની પ્રતિભા અલગ-અલગ છે. નંબર ગેમમાં હું બિલ્કુલ વિશ્વાસ નથી ધરાવતી. લેખકો જ્યારે સારા પાત્રો લખે છે, ત્યારે એ રોલ ભજવી રહેલી અભિનેત્રીઓની મહેનત પણ લાઇમલાઈટમાં આવી જ જતી હોય છે. અને હું બહુ જ સ્પષ્ટ રીતે એવું માનું છું કે એક વ્યક્તિ ક્યારેય સફળ નથી થઈ શકતો. સફળતા ટીમની હોય છે, કોઇ એકલદોકલ વ્યક્તિની નહીં!
ડૉ. રામ નેને સાથેના એમના લગ્નજીવન વિશે વાત કરતી વેળાએ માધુરી જણાવે છે, પહેલી વખત રામને હું લૉસ એન્જલસમાં મળી. મારા ભાઈઓએ પૂછ્યા વગર જ એમના પરિવારને મારા ઘેર આમંત્રણ આપી દીધું હતુ. અલબત્ત, મને ખ્યાલ નહોતો કે તેઓ મને જોવા માટે આવ્યા છે. મજાની વાત તો છે કે, એમને મારા સ્ટાર હોવા અંગેની કોઇ જાણકારી હતી જ નહીં. ‘હમ આપ કે હૈ કૌન?’ બાદ ફિલ્મ-ઇન્ડસ્ટ્રીમાં મેં એક મજબૂત ઓળખ પ્રસ્થાપિત કરી દીધી હતી. લગભગ પ્રત્યેક ભારતીય મારા નામ અને ચહેરાથી પરિચિત હતો. પરંતુ રામને આ બધા વિશે કંઈ જ ખબર નહોતી. આ વાત મારા હ્રદયને સ્પર્શી ગઈ. દાક્તરી સિવાય બીજું શું પસંદ કરે છે એ પ્રશ્નનાં જવાબમાં તેઓએ કહ્યું કે, તેઓ વ્યવસાયે ડોક્ટર છે પરંતુ આર્ટ, મ્યુઝિકમાં એમને ખાસ્સો રસ છે. પોતાના બંને સંતાનો વિશે વાત કરતા એમણે જણાવ્યું કે, બંનેને સંગીત ખૂબ પસંદ છે. તેઓ પિયાનો, તબલા શીખી રહ્યા છે. ડાન્સ પરત્વે પણ તેઓ રસ દેખાડી રહ્યા છે. સદભાગ્યે, લગ્ન બાદ હું અમેરિકા શિફ્ટ થઈ અને ત્યાં મેં એ દરેક શોખ પૂરા કર્યા જે ભારતમાં નહોતા થઈ શક્યા. એઝ અ સિલેબ્રિટી, હું અહીં ક્યારેય શોપિંગમાં ન જઈ શકતી કે પછી કોઇ રેસ્ટોરાંમાં જમવા જવું હોય તો પણ લોકો ઘેરી વળશે એની બીક રહેતી. અમેરિકા જઈને મેં મારા બાળકોના ઉછેર માટે સમય આપ્યો. આર્યન અને રાયન એમનું નામ! તેમને મારી જૂની ફિલ્મો કોમેડી કરાવે છે. એક વખત ટીવી પર ‘કોયલા’ ફિલ્મ ચાલી રહી હતી. એમાં ગીત હતું, જેમાં અમારે ભાંગના નશામાં ચૂર થવાનો અભિનય કરતા કરતા ડાન્સ કરવાનો હતો. મારા દીકરાએ એ ગીત જોઇ લીધું. એ સાંજે હું કામ પરથી ઘેર પહોંચી ત્યારે મને એની પાસેથી ચિઠ્ઠી મળી, જેમાં લખ્યું હતું, “ડિયર મોમ, તું કોયલા ફિલ્મમાં આટલી ફની એક્ટિંગ કેમ કરે છે? વ્હાય આર યુ એક્ટિંગ સો ફની ઇન કોયલા?”
bhattparakh@yahoo.com
યુવા કોલમિસ્ટ પરખ ભટ્ટ (9726525772)
યુવા-લેખક પરખ ભટ્ટ, આજે ગુજરાતનાં ચાર નામાંકિત અખબાર (સાંજ સમાચાર, ફૂલછાબ, ગુજરાત ગાર્ડિયન, રાજકોટ મિરર) અને એક ઇન્ટરનેશનલ ગુજરાતી પારિવારિક મેગેઝીન (ફીલિંગ્સ) માં કુલ ૧૧ વિકલી કોલમ (૪૪ આર્ટિકલ્સ પ્રતિ માસ) લખી રહ્યા છે. એન્જીનિયર તરીકે કારકિર્દીની શરૂઆત કર્યા બાદ એમની સફર ફેશન મોડેલિંગ, થિયેટર, એક્ટિંગ અને ત્યારબાદ કટાર-લેખન જેવા ક્ષેત્રોમાં આગળ વધી.
બપોરનાં ત્રણેક વાગ્યાનો સમય છે. રાબેતા મુજબ, માયાનગરી મુંબઈની ચહલપહલ અને વ્યસ્તતા એના વાતાવરણમાં છલકાઈ રહી છે. હોટેલ જે.ડબ્લ્યુ. મેરિયટ્ટના લોઅર બેન્ક્વેટ હૉલમાં માધુરીનો પ્રવેશ થાય છે. મધમાં ઝબોળાઈને ઝરતી વાણી, તગતગતી ત્વચા, બદામની ફાડ જેવી સુંદર પાણીદાર આંખો, પાતળું તીણું નાક, ગુલાબની પાંખડી સમાન હોઠ ને એમાંથી સતત સ્ફૂરતું નિખાલસ હાસ્ય! માધુરી એટલે દાયકાઓથી ધબકતું સિનેમા! માધુરી એટલે નૃત્ય. બોલિવૂડ ચાહકોનાં દિલ પર રાજ કરી રહેલી આ અભિનેત્રીએ લગ્ન બાદ બોલિવૂડમાંથી ઘણો લાંબો બ્રેક લીધો હોવા છતાં લોકો તેમને ભૂલ્યા નહીં. પોતાની નજરમાત્રથી ભલભલાને ઘાયલ કરી નાંખે એવું તેજતોખાર વ્યક્તિત્વ. ૧૫ મે, ૧૯૬૭માં જન્મેલા માધુરી દીક્ષિત નેને આજે પચાસી વટાવી ચૂક્યા છે. અંગત જીવન, કરિયરમાં ઉતાર-ચડાવ, બાળપણ, લગ્નજીવન, બાળકો, ફિલ્મો અને ટેલિવિઝન ક્ષેત્રે એમણે પુષ્કળ સંઘર્ષ કર્યો છે. ચાલુ વર્ષની સૌથી સફળ ફિલ્મ ‘ટોટલ ધમાલ’માં મરાઠી મુલગીની ભૂમિકા અદા કર્યા બાદ ધર્મા પ્રોડક્શનની ’કલંક’માં તેમણે બહાર બેગમનો કિરદાર નિભાવ્યો. ફિલ્મ સફળ ન રહી પરંતુ તેમના ક્લાસિકલ નૃત્ય અને અભિનયનાં ખૂબ વખાણ થયા.
એમણે જણાવ્યું કે નૃત્ય અને અભિનય શરૂઆતી સમયમાં મારા માટે ફક્ત શોખ હતાં. એને મેં કરિયર-ઑપ્શન તરીકે ક્યારેય સ્વીકાર્યા જ નહોતાં. બારમા ધોરણની પરીક્ષા આપી એ ગાળામાં એટલે કે ૧૯૮૪ની સાલમાં મેં પહેલી ફિલ્મ ‘અબોધ’ કરી. સ્કૂલમાં તો વેકેશન ચાલી રહ્યું હતું એટલે વચગાળામાં ડાન્સ અને ફિલ્મોનાં કેટલાક પ્રોજેક્ટ કરવા એ અંગે હું કટિબદ્ધ હતી. મારા મહારાષ્ટ્રિયન પરિવારમાંથી કોઇ વ્યક્તિ સિનેમા સાથે જોડાયેલ નહીં, એટલે બધાના મનમાં હતું કે હું વિજ્ઞાન-પ્રવાહમાં આગળ વધીને માઇક્રોબાયોલોજિસ્ટ બનું. ‘અબોધ’ તો ન ચાલી, એ ઉપરાંત ત્યારબાદની ચાર-પાંચ ફિલ્મો સદંતર નિષ્ફળ નીવડી. આમ છતાં ફિલ્મોની ઓફર તો આવતી જ રહી. ‘સ્વાતિ’, ‘આવારા બાપ’ જેવી ફિલ્મોમાં નાના કિરદારો નિભાવ્યા. અલ્ટીમેટલી, નક્કી કર્યુ કે હું અભ્યાસની સાથોસાથ ફિલ્મો પણ ચાલુ રાખીશ. કારણકે એ સમયમાં શુટિંગ ૧૦ દિવસથી વધારે ન ચાલતું, જેના લીધે અભ્યાસ માટે પણ પૂરતો સમય મળી રહેતો.
નૃત્ય માટેની પ્રેરણા એમને કોની પાસેથી મળી એ પ્રશ્નનાં જવાબમાં માધુરી દીક્ષિત જણાવે છે કે, પુરસ્કાર વિજેતા જીન કેલી પાસેથી ઘણું શીખવા મળ્યું છે. તદુપરાંત, ભારતીય સિનેમામાં નૃત્યશૈલીમાં સંપૂર્ણતઃ બદલાવ લાવવા માટે જાણીતાં એવા વૈજયંતીમાલા પણ મારા આદર્શ ખરા! વાસ્તવમાં તેઓ આપણા દેશનાં પહેલા મહિલા સુપરસ્ટાર ગણી શકાય, જેમણે ભારતીય નૃત્યને વિશ્વ સ્તર સુધી પહોંચાડવામાં મદદ કરી. સ્વાભાવિક રીતે, નાનપણમાં મારું પણ સપનું હતું કે વૈજયંતીમાલા સાથે એક મંચ પર નૃત્ય કરું! મારી ડાન્સ દીવાનગી પાછળ એમનો સિંહફાળો છે.
ફિલ્મોમાં સફળતાનો સ્વાદ ક્યારે ચાખવા મળ્યો એ પ્રશ્નનાં જવાબમાં ધક ધક ગર્લ જણાવે છે કે, ‘તેઝાબ’ ફિલ્મ બાદ જાણે તમામ સમીકરણો બદલાઈ ગયા. એનો એક હાસ્યાસ્પદ પ્રસંગ મને અત્યારે યાદ આવે છે. એમાં એક ગીત હતું, એક દો તીન! જેને સરોજ ખાન કોરિયોગ્રાફ કરવાના હતાં. શરૂ શરૂમાં જ્યારે મેં એના લિરિક્સ સાંભળ્યા ત્યારે મને બહુ વિચિત્ર લાગ્યા. આ વળી કેવું ગીત જેમાં ફક્ત આંકડાઓની જ વાત કરવામાં આવે છે! એ ગીત શુટ થયું અને જ્યારે મેં એને મોટા પડદા પર જોયું ત્યારે એની સાચી ઇમ્પેક્ટનો ખ્યાલ આવ્યો. (હસતાં હસતાં) જોકે, એ વખતે મારી ઉંમર નાની હતી એટલે આવી ભૂલો થયા રાખતી.
ડાન્સ શૉનાં નિર્ણાયક તરીકે પરત ફરી રહેલા માધુરી દીક્ષિતને ડાન્સર અને જજ બંનેની ભૂમિકા વચ્ચેની ખાસ બાબતો શું છે અને તેમનો આ અંગે કેવો અનુભવ રહ્યો એ વિશે આગળ ચર્ચા કરી. જેમાં તેમણે કહ્યું કે, જ્યારે તમે ડાન્સ કરો છો ત્યારે પૂર્ણપણે નટરાજને સમર્પિત થઈને ફક્ત હાવભાવ અને બોડી મુવમેન્ટ્સ પર ધ્યાન એકાગ્ર કરો છો, શ્રેષ્ઠ પર્ફોમન્સ આપવાનો પ્રયાસ કરો છો. પરંતુ નિર્ણાયક તરીકે વ્યક્તિની જવાબદારી વધી જાય છે. ભૂલથી પણ કોઇ હતોત્સાહી ન બની જાય એ માટે સતત સભાન રહેવું પડે છે. સ્પર્ધકની હકારાત્મક બાબતો પર ધ્યાન આપીને તેમની ખામીઓને હળવેકથી દૂર કરતા જવાની આ પ્રક્રિયા વાસ્તવમાં મહેનત માંગી લે એવી છે. મેં મારી કરિયરમાં હંમેશા શ્રેષ્ઠ આપવાનો જ પ્રયત્ન કર્યો છે. હા. ક્યારેક ચૂક થઈ હોય ત્યારે શીખવા પણ મળ્યું છે.
ઇન્દ્રકુમારની ટોટલ ધમાલ, જેમાં તેમણે વર્ષો પછી અનિલ કપૂર સાથે કામ કર્યુ. ત્રણસો કરોડનાં આંકડાને પાર કરી ચૂકેલી આ ફિલ્મ ૨૦૧૯ની સફળત્તમ ફિલ્મોમાંની એક ગણાય છે. બીજી બાજુ, બોક્સઓફિસ પર નબળી પૂરવાર થયેલી કરણ જોહરની ‘કલંક’માં તેમણે બહાર બેગમની ભૂમિકા ભજવી હતી. ફિલ્મ ભલે નિષ્ફળ રહી, પરંતુ માધુરીના ક્લાસિકલ ડાન્સ અને તેના અભિનયનાં લોકોએ બે મોઢે વખાણ કર્યા. જેના વિશે જણાવતાં તેઓ કહે છે કે, બંને ફિલ્મો પોતપોતાની જગ્યાએ શ્રેષ્ઠ છે. એમાંના કિરદારો જુદા છે. એમની સરખામણી શક્ય નથી.
નવી પેઢીની અભિનેત્રીઓ વિશે વાત કરતા એમણે જણાવ્યું હતું કે આજસુધી ક્યારેય મેં કોઇને ક્રમ આપ્યા નથી. દરેકની પ્રતિભા અલગ-અલગ છે. નંબર ગેમમાં હું બિલ્કુલ વિશ્વાસ નથી ધરાવતી. લેખકો જ્યારે સારા પાત્રો લખે છે, ત્યારે એ રોલ ભજવી રહેલી અભિનેત્રીઓની મહેનત પણ લાઇમલાઈટમાં આવી જ જતી હોય છે. અને હું બહુ જ સ્પષ્ટ રીતે એવું માનું છું કે એક વ્યક્તિ ક્યારેય સફળ નથી થઈ શકતો. સફળતા ટીમની હોય છે, કોઇ એકલદોકલ વ્યક્તિની નહીં!
ડૉ. રામ નેને સાથેના એમના લગ્નજીવન વિશે વાત કરતી વેળાએ માધુરી જણાવે છે, પહેલી વખત રામને હું લૉસ એન્જલસમાં મળી. મારા ભાઈઓએ પૂછ્યા વગર જ એમના પરિવારને મારા ઘેર આમંત્રણ આપી દીધું હતુ. અલબત્ત, મને ખ્યાલ નહોતો કે તેઓ મને જોવા માટે આવ્યા છે. મજાની વાત તો છે કે, એમને મારા સ્ટાર હોવા અંગેની કોઇ જાણકારી હતી જ નહીં. ‘હમ આપ કે હૈ કૌન?’ બાદ ફિલ્મ-ઇન્ડસ્ટ્રીમાં મેં એક મજબૂત ઓળખ પ્રસ્થાપિત કરી દીધી હતી. લગભગ પ્રત્યેક ભારતીય મારા નામ અને ચહેરાથી પરિચિત હતો. પરંતુ રામને આ બધા વિશે કંઈ જ ખબર નહોતી. આ વાત મારા હ્રદયને સ્પર્શી ગઈ. દાક્તરી સિવાય બીજું શું પસંદ કરે છે એ પ્રશ્નનાં જવાબમાં તેઓએ કહ્યું કે, તેઓ વ્યવસાયે ડોક્ટર છે પરંતુ આર્ટ, મ્યુઝિકમાં એમને ખાસ્સો રસ છે. પોતાના બંને સંતાનો વિશે વાત કરતા એમણે જણાવ્યું કે, બંનેને સંગીત ખૂબ પસંદ છે. તેઓ પિયાનો, તબલા શીખી રહ્યા છે. ડાન્સ પરત્વે પણ તેઓ રસ દેખાડી રહ્યા છે. સદભાગ્યે, લગ્ન બાદ હું અમેરિકા શિફ્ટ થઈ અને ત્યાં મેં એ દરેક શોખ પૂરા કર્યા જે ભારતમાં નહોતા થઈ શક્યા. એઝ અ સિલેબ્રિટી, હું અહીં ક્યારેય શોપિંગમાં ન જઈ શકતી કે પછી કોઇ રેસ્ટોરાંમાં જમવા જવું હોય તો પણ લોકો ઘેરી વળશે એની બીક રહેતી. અમેરિકા જઈને મેં મારા બાળકોના ઉછેર માટે સમય આપ્યો. આર્યન અને રાયન એમનું નામ! તેમને મારી જૂની ફિલ્મો કોમેડી કરાવે છે. એક વખત ટીવી પર ‘કોયલા’ ફિલ્મ ચાલી રહી હતી. એમાં ગીત હતું, જેમાં અમારે ભાંગના નશામાં ચૂર થવાનો અભિનય કરતા કરતા ડાન્સ કરવાનો હતો. મારા દીકરાએ એ ગીત જોઇ લીધું. એ સાંજે હું કામ પરથી ઘેર પહોંચી ત્યારે મને એની પાસેથી ચિઠ્ઠી મળી, જેમાં લખ્યું હતું, “ડિયર મોમ, તું કોયલા ફિલ્મમાં આટલી ફની એક્ટિંગ કેમ કરે છે? વ્હાય આર યુ એક્ટિંગ સો ફની ઇન કોયલા?”
bhattparakh@yahoo.com
યુવા કોલમિસ્ટ પરખ ભટ્ટ (9726525772)
યુવા-લેખક પરખ ભટ્ટ, આજે ગુજરાતનાં ચાર નામાંકિત અખબાર (સાંજ સમાચાર, ફૂલછાબ, ગુજરાત ગાર્ડિયન, રાજકોટ મિરર) અને એક ઇન્ટરનેશનલ ગુજરાતી પારિવારિક મેગેઝીન (ફીલિંગ્સ) માં કુલ ૧૧ વિકલી કોલમ (૪૪ આર્ટિકલ્સ પ્રતિ માસ) લખી રહ્યા છે. એન્જીનિયર તરીકે કારકિર્દીની શરૂઆત કર્યા બાદ એમની સફર ફેશન મોડેલિંગ, થિયેટર, એક્ટિંગ અને ત્યારબાદ કટાર-લેખન જેવા ક્ષેત્રોમાં આગળ વધી.