watchgujarat: E-Sim: મોબાઈલ ફોનની સાથે સિમ કાર્ડની પણ શોધ થઈ છે. અત્યાર સુધી સીમકાર્ડ (SIM CARD) વગર મોબાઈલનું કોઈ કામ નથી, કારણ કે ફોનમાં નેટવર્ક ફક્ત સીમકાર્ડ (SIM CARD) થી જ આવે છે, જેના દ્વારા આપણે ગમે ત્યાં, કોઈપણ નંબર પર વાત કરી શકીએ છીએ. પછી મોબાઈલને થોડો વધુ રસપ્રદ બનાવવા માટે મેમરી કાર્ડ બનાવવામાં આવ્યા, જેના દ્વારા લોકો ગીતો સાંભળતા અને ફિલ્મો જોતા થયા છે. બાદમાં તેમાં થોડો ફેરફાર કરવામાં આવ્યો અને મોબાઈલ ફોન સ્માર્ટફોન બની ગયો. સ્માર્ટફોનમાં અલગથી મેમરી કાર્ડ ઇન્સ્ટોલ કરવાની જરૂર નથી. તેમાં પહેલેથી જ ઘણો સ્ટોરેજ છે. હવે ફોનમાંથી મેમરી કાર્ડ ધીમે-ધીમે ગાયબ થઈ ગયું હોવાથી એ દિવસ દૂર નથી જ્યારે ફોનમાંથી સિમ કાર્ડ પણ ગાયબ થઈ જશે. હા, એપલ હવે એવો આઈફોન લાવવા જઈ રહી છે, જેમાં સિમ કાર્ડ (SIM CARD) નાખવા માટે કોઈ સ્લોટ નહીં હોય. એટલે કે કોલ કરવા માટે ફોનમાં સિમ કાર્ડની જરૂર નહીં પડે. હવે તમે વિચારતા જ હશો કે આ કેવી રીતે શક્ય બને? તો ચાલો જાણીએ કે આખરે તે કેવી રીતે શક્ય છે…

એપલનો આ નવો આઈફોન ઈ-સિમથી ચાલશે. ટૂંક સમયમાં Apple કંપની iPhone 15 સિરીઝમાં આવું ફીચર લાવવા જઈ રહી છે. એક રિપોર્ટ અનુસાર Appleના iPhone 15માં ફિઝિકલ સિમ કાર્ડ સ્લોટ નહીં હોય. નેટવર્ક કનેક્ટિવિટી માટે, તે સંપૂર્ણપણે ઇ-સિમ ટેક્નોલોજી પર નિર્ભર રહેશે.

શું છે E-SIM ?

E-SIM નું સંપૂર્ણ સ્વરૂપ એમ્બેડેડ સબસ્ક્રાઇબર આઇડેન્ટિટી મોડ્યુલ છે. આ મોબાઇલ ફોનમાં ઇન્સ્ટોલ કરેલું વર્ચ્યુઅલ સિમ છે. ઈ-સિમ દ્વારા તમે ફોન, મેસેજ સહિત તમામ કામ કરી શકશો, પરંતુ તમારે તેને ફોનમાં રાખવાની જરૂર રહેશે નહીં.

E-SIM ના ફાયદા

ઇ-સિમનો સૌથી મોટો ફાયદો એ છે કે જો તમે તમારા સિમની કંપની બદલવા માંગો છો, તો તમારે સિમ કાર્ડ (SIM CARD) બદલવાની જરૂર નથી. આ સિવાય ફોન બગડે અથવા ભીનો થઈ જાય તો સિમ પર કોઈ અસર થશે નહીં.

એકસાથે ચલાવી શકશો ઘણા નંબર

E-SIMને સપોર્ટ કરતા ઉપકરણોમાં, તમે એક જ સમયે બહુવિધ ઇ-સિમ ચલાવી શકો છો, પરંતુ નોંધનીય બાબત એ છે કે એક સમયે માત્ર એક જ E-SIM કામ કરશે. જો કે તમે જ્યારે ઇચ્છો ત્યારે તેને બદલી શકો છો.

Facebook Comments Box

Videos

Our Partners